OJP – CNRT Maliana Konsolida Forsa Ba 2023

Ohin Organizasaun Juventude Partidu CNRT Munispiu Maliana, konsolida forsa hodi hametin liutan estrutura Juventude CNRT iha baze hodi kompete eleisaun Prezidenti 2022 no Eleisaun Jeral 2023. (Photo: STL News/Crisogono Magalhães)

MALIANA, STLNEWS.co – Ohin Organizasaun Juventude Partidu CNRT Munispiu Maliana, konsolida forsa hodi hametin liutan estrutura Juventude CNRT iha baze hodi kompete eleisaun Prezidenti 2022 no eleisaun Jeral 2023.

Lia hirak nee hatoo husi, Francisco Tamok, kordenador OJP munisipiu Bobonaro ba STL iha, Sede Munisipiu Partidu CNRT, Maliana, Sabadu (05/09/2002).

“Partisipipa iha atividade konsolidasaun nee maka, reprezentante estrutura OJP – CNRT husi Posto 6 iha Bobonaro laran, kada posto ida, sei mai ho nain 5,” dehan Kordenador OJP Maliana nee.

Nia dehan, objetivu husi konsolidasaun nee maka, prepara hela juventude sira neebe maka ho idade 17 anos, fo posse ba sira hodi sai membru permanentu ba OJP – CNRT Musipiu Maliana.

“OJP – CNRT Maliana Firmi nafatin, hodi konsolida nafatin joven sira, liu liu OJP hodi preparaan ba eleisaun Prezidenti 2022 no eleisaun Jeral 2023,” katak nia.

Nia haktuir, Bobonaro nee desde uluk sai hanesan knuk partidu CNRT.

“Tanba hare ba iha periodu hirak liu ba hatudu ona katak, Bobonaro nee sai knuk ba CNRT, ho nee hau fiar katak iha 2023 Munisipiu Maliana CNRT sei unggul nafatin,” haktuir Francisco.

Nia haktuirtan, karik depois de eleisaun maka la iha partidu ida manan, wainhira CNRT halo koligasaun karik, labele akontese tan hanesan iha pasadu.

Husi observasaun STL, nota katak atividade konsolidasaun OJP – CNRT, hetan partisipaaun masimu husi membru OJP Munisipiu Maliana, iha konsolidasaun nee sei partisipa mos estrutura Nasional Partidu CNRT no estrutura Nasional OJP Partidu CNRT, objetivu fundamentu husi konsolidasaun neebe OJP – CNRT halo nee maka hametin estrutura juventude CNRT iha baze, liu husi moto “Fiar Aan Lao Ba Oin, Mehi Hamutuk Mehi Povu Nia Mehi.”

Reportajen: Crisogono Magalhães

Editor: Ekipa STL

LEAVE A REPLY

Please enter your comment!
Please enter your name here