Padre Francisco Pinheiro Fila Hikas Ba Aman Maromak

BAUCAU, STLNEWS.co – Padre Francisco Pinheiro da Silva hanesan Vigariu Jeral Diocese Baucau, fila hikas ona ba aman Maromak nia kadunan santu, iha Kuarta madrugada (24/08/2021), tanba moras mear simples (Batuk pilek).

“Hau mai konvensaun Caritas nian lansamentu primeira pedra, hau ba haree nia iha Uatulete, nia oin sei aat nafatin, maibe kompara ho semana liu ba nee diak oituan,” dehan Amu Bispu Diocese Baucau, Dom. Basilio do Nascimento, iha seminariu São João Paul II, Baucau Planaltu, Tersa (25/08/2021).

Amu nee hatutan, bainhira Amu Bispu Dom. Basilio do Nascimento halimar ho padre matebian nee, husu ba ona hospital ka lae, matebian hatan ba Bispu Dom. Basilio nia liafuan sente diak ona.

Dom. Basilio do Nascimento, konta, madre Ana mos hateten katak, kompara ho kalan ida uluk padre matebian nee han oituan no hamnasa ho halimar.

Iha fatin hanesan Vigariu Episcopal Asuntus Pastorais Diocese Baucau, Padre Arlindo Leonardo Sequeira da Silva mos konta iha loron Segunda no Tersa hanesan mal dispostu oituan, maibe tuir retiru iha madre kanosiana sira, komesa iha loron Kuarta, padre matebian nee la partisipa ona iha retiru anual ba Amu Lulik Diocese Baucau nian.

Iha loron Kuarta nee kedas padre matebian komesa mear simples (Batuk pilek) neebe amu lulik sira hanoin konsidera nee moras la seriu.

“Atendimentu ka tratamentu simples hemu ai-moruk, hemu ailia, ami hanoin nee moras simples,” katak Pe. Arlindo.

Nia hatutan, iha Segunda kalan nee komesa atrapalla sente grave, loloos iha kalan nee kedas lori ona ba hospital, maibe padre matebian rasik mak dehan atu lori ba hospital iha loron Tersa dader nee, depois la to’o dader padre matebian nee husik iis.

Padre matebian nee mos fila husi Dili iha loron Sabadu semana kotuk, maibe ho kondisaun normal la hatudu sinais ruma konaba moras nian.*

Reportajen: Tomas Reis

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 23 Setembru: Kazu Pozitivu 58, Rekuperadu 148 & Obitu 1

DILI, STLNEWS.co – Sentru Integradu Jestaun Krize (SIJK) ohin relata kazu pozitivu iha ema nain 58, i kazu rekuperadu ohin loron 148 no obitu nain...

Vasinasaun Dalan Seguru, Normaliza Situasaun

DILI, STLNEWS.co – Vasinasaun mak dalan seguru hodi normaliza situasaun, no hasae imunidade forte atu prevene Covid-19. Kestaun nee haktuir husi Ministru Ensinu Superior Siensia...

Finalista ICS 292 Simu Graduasaun

DILI, STLNEWS.co – Institutu Ciencia Saude (ICS), ohin halao graduasaun ba finalista hamutuk 292, kompostu husi fakuldade 4 mak hanesan, Fakuldade Enfarmajen, Farmasia, Parteira...
%d bloggers like this: