Padre Sira Kontinua Husu Misa Intensaun Ba Bispu Dom Basilio

BAUCAU, STLNEWS.co – Padre sira iha Dioseze Baucau loron – loron kontinua husu misa intensaun ba Bispu Dom Basilio Do Nascimento, neebe mak Nai Maromak bolu hikas ona ba Nai nia kadunan Santo.

Kestaun nee hato’o husi Amu Paroku Parokia Santo Antonio de Baucau, Padre Manuel da Silva Ximenes ba STL Sesta nee (05/11/2021) iha igreja katedral katak, oras nee bispu nia isin haloot ona iha igreja katedral, maibe misa intensaun ba bispu kada loron sempre husu.

“Misa intensaun nafatin loron – loron, ami selebra misa nafatin ba nia, misa baibain mos lao nafatin, la prejudika ba misa diariu no misa Domingu nian,” dehan padre nee.

“Husu nafatin mai tuir misa, halo sira nia intensaun nafatin ba Dom Basilio, maske nia isin hakoi iha neeba, maibe nia esprito nafatin moris hamutuk ho ita, no ita fiar katak durante 25 hamutuk ukun uma kreda nee nia iha ona lalehan, nia la haluha povu neebe Maromak entrega ba nia bainhira sei moris iha nee,” katak padre.

Padre paroku nee hatutan, knaar amululik no sarani sira nia katak, fulan Novembru nee fulan neebe mak didika ba matebian sira, tanba nee kontinua hanoin matebian sira hotu inklui mos matebian Dom Basilio Do Nascimento nia isin mate.

Nunee mos Padre Alarico Tomas Sarmento SDB husu sarani sira presiza reza nafatin ba Bispo Dom Basilio, atu nunee Maromak bele simu nia iha lalehan.

Hau mos husu ba sarani sira atu kontinua reza nafatin ba bispu hanesan aman ida neebe mak durante nee akompana sarani Dioseze Baucau iha tinan 25 nomos Sarani Timor Leste, atu nunee Maromak simu sira nia klamar ba iha lalehan,” hakotu nia.

(eme)

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 4 Dezembru: Kazu Pozitivu 1 & Rekuperadu Nain 1

DILI, STLNEWS.co - Ohin loron, Sabadu (04/12/2021), Kordenadora Jeral Surtu Covid-19, Ministeriu Saude Timor Leste deteta tan kazu pozitivu ida (1) no rekuperadu nain...

PR Periodu 2022-2027 Presiza Tau Interese Ba Estadu & Povu TL

DILI, STLNEWS.co - Prezidente Republika (PR) ba periodu tinan 2022-2027 atu ukun husi se deit presiza mak tau interese ba estadu no povu Timor...

Lidera Enkontru G7+ Iha Lisboa, Xanana Kontinua Promove TL Ba Mundu

PORTUGAL, STLNEWS.co - Lider karismatiku Xanana Gusmão, nu'udar mos pesoa eminente g7+ kontinua promove Timor Leste ba mundu liu husi g7+, bainhira hamutuk ho...