Parokia Alas Koopera Ho Governu Prevene Covid-19

MANUFAHI, STLNEWS.co – Igreja iha Munisipiu Manufahi, Postu Administrativu Alas, sempre koopera no kordena ho governu, hodi prevene transmisaun Covid-19.

Tuir Amu Vigario Parokia Alas, Padre Wilhelmus Kolo OFM, ba STL Sabadu horiseik (25/09/2021) nee, iha Wedauberek, Suku Mahaquidan, Postu Administrativu Alas, Munisipiu Manufahi, bainhira remata prezide misa iha Gruta Santo Antônio de Pádua, Wedauberek.

“Moras Covid-19 neebe invade Timor Leste, tanba nee ami sempre anunsia ka fo hatene ba sarani sira, atu kumpre protokolu saude nian, hodi prevene kontaminasaun moras nee,” katak Amu Vigario Parokia Alas nee.

Padre nee esplika, durante implementasaun Serka Sanitaria (SS), igreja sempre husu ba sarani sira kumpre regras, hanesan fase liman, uza maskara, no distansiamentu sosial.

Entretantu, observasaun jornalista STL haree katak, oras nee dadaun iha Munisipiu Manufahi, sai ona husi SS no Komfinamentu Obrigatoriu (KO), maibe sei nafatin iha Estadu Emerjensia (EE).

Maske Manufahi laiha SS ho KO, maibe komunidadde sira balu kumpre hela regras ka protokolu, maibe balun la kumpre.

Maibe informasaun neebe STL asesu katak, durante nee iha Munisipiu Manufahi iha SS no KO, komunidade sira sempre kumpre regras, hodi hamenus atividade no movimentu, maibe bainhira SS ho KO termina, atividade ho movimentu lao normal, maibe nafatin prevene moras invijivel nee.*

Reportajen : Guilhermina Franco

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Vasina Pfizer Importante Ba Labarik Sira

DILI, STLNEWS.co – Tuir Ministra Saude Odete Maria Freitas Belo dehan, labarik sira presiza simu vasina Pfizer nee, tanba importante tebes hodi bele prevene moras...

Update Covid-19 TL 27 Outubru: Kazu Pozitivu 7 & Rekuperadu Nain 3

DILI, STLNEWS.co – Ohin loron 27 fulan Outubru tinan 2021, liu husi Centro Integrado Gestão de Crises, Sala Situação (CIGC-SS) rejistu tan kazu konfirmadu...

Estudante ESJ Simu Ona Vasina Pfizer

DILI, STLNEWS.co – Eskola Ensinu Sekundariu Jeral (ESJ) 4 Setembru simu ona vasina Pfizer ba doze primeiru, atu nunee bele halo prevensaun ba Covid-19. Informa...