BAUKAU, STLNEWS.co – Visi Prezidente Partidu Os Verdes hateten, sei fo apoiu total i sem razaun ba kandidatura ho numeru sorteiu 2 atual Prezidente Republika Francisco Guterres Lú Olo.
“Atu kongretiza mehi ida nee atu tau ba pratika presiza servisu diak liu, hau husu ba militansia Partidu Os Verdes nian oinsa bele kolabora ho ita nia aliadu partidu ida neebe boot hanesan ita nia aman Partidu FRETILIN,” dehan Visi Prezidente Partidu Os Verdes, Izineiro Paulino Uatumisa, liu husi mini kampanha iha Triloka, Kuarta nee (13/04/2022).
Husu ba militantes sira hotu atu harii unidade, liu – liu ba joven sira neebe mak inklina aan iha partidu tolu atu unidade, nunee lori vitoria ba kandidatu numeru 2 Fransisco Guteres Lú Olo.
Husu ba militantes sira hotu hanoin didiak no tetu didiak, bolu malu halo didiak, husu ba familia sira no maun alin sira hotu, no inan aman sira hanoin, konviksaun ida marka tan vitoria dala ida ba Lú Olo hodi bele sai Prezidente Republika.
(EST/02)
