PD Fo Tomada De Pose Ba Ema 42 Iha Venilale

BAUCAU, STLNEWS.co – Partidu Demokratiku (PD) ohin halo reajustamentu tomada de pose ba estrutura munisipiu, postu no suku to’o iha nivel aldeia hamutuk ema 42 iha Postu Administrativu Venilale, Munisipiu Baucau.

Liu husi karta juramentu nian, Prezidente Partidu Demokratiku Mariano Sabino Assanami hatete, ba estrutura sira, juramentu nee hanesan lisan komprimitidu partidu nian ho eroi funu nain sira, atu hakiak rai Timor Leste sai nasaun demokratiku.

“Ohin tinan 2021, hau Presidente Assanami fo pose ba kompaneiru sira, atu kompleta estrutura postu, suku no aldeia,” dehan Assanami iha salaun parokia Venilale Sabadu nee (02/10/2021).

Nia hatutan, husi ohin ba oin estrutura hirak neebe mak simu ona tomada de pose sai ona membru Partidu PD nian iha baze, hodi habelar doutrina partidu nia ba komunidade.

Iha fatin hanesan, Koordenador Partidu PD iha Postu Administrativu Venilale Augustino Ximenes katak, iha serimonia nee halo reajustamentu tomada de pose ba estrutura postu, suku no aldeia hamutuk ema nain 42.

Reajustamentu nee Koordenador Postu Venilale garante, Partidu PD sei manan votus maioria, tanba estrututa iha Postu Venilale to’o suku no aldeia kompletu ona.

“Kada aldeia nain 16, kada suku nain 22, iha postu nain 35, depois mos iha tan movimentu neebe mak apoiu partidu nee,” tenik nia.

Nia hatutan, razaun Partidu PD atu manan iha Postu Venilale, tanba estrutura postu sira dadaun nee la tuur deit iha fatin, maibe halo movimentu makaas atu bele manan maioria iha postu nee.

Reportajen: Tomas Reis

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Vasina Pfizer Importante Ba Labarik Sira

DILI, STLNEWS.co – Tuir Ministra Saude Odete Maria Freitas Belo dehan, labarik sira presiza simu vasina Pfizer nee, tanba importante tebes hodi bele prevene moras...

Update Covid-19 TL 27 Outubru: Kazu Pozitivu 7 & Rekuperadu Nain 3

DILI, STLNEWS.co – Ohin loron 27 fulan Outubru tinan 2021, liu husi Centro Integrado Gestão de Crises, Sala Situação (CIGC-SS) rejistu tan kazu konfirmadu...

Estudante ESJ Simu Ona Vasina Pfizer

DILI, STLNEWS.co – Eskola Ensinu Sekundariu Jeral (ESJ) 4 Setembru simu ona vasina Pfizer ba doze primeiru, atu nunee bele halo prevensaun ba Covid-19. Informa...