Pe. Manuel Husu Joven Labele Lori Moras Haterus Povu

BAUCAU, STLNEWS.co – Padre Manuel Ximenes husu joven nia konsiensia atu kontribui ba nasaun ida nee labele lori moras aat tama Timor Leste hodi haterus povu kiak no mukit sira.

“La bele ba fali ema nia rai depois mai haterus fali ita nia povu kiak no kiik neebe iha ita nia rai laran,” dehan Pe. Parokia St. Antonio Vila Antiga Baucau Manuel Ximenes SDB ba STL iha nia knaar fatin Vila Antiga Baucau, segunda nee (30/08/2021)

Tuir Pd. Manuel nia hanoin joven sira neebe mak durante nee konsege hakat liu fronteira ho ilegal, ba ohin diak liu tau an ho konsiensia nuudar sidadaun ba rai ida nee tenke respeita lei no regra governu trasa ona iha nasaun RDTL liu husi Estadu Emerjensia (EE), Serka Sanitaria (SS) no Konfinemtu Domisiliariu (KD).

Governu implementa regras hirak nee atu sidadaun hotu – hotu kumpre labele tama sai fronteira hodi lori moras Covid-19 inklui variante Delta ba ita nia rain liu – liu ba familia rasik.

“Hau husu ba joven sira hakaas an imi nia fuan imi nia neon se imi hadomi duni rai ida nee tenke hakas an ba lei,” tenik Pe. Manuel

Nia hatutan, dalan diak governu haruka fila sidadaun neebe mak dadaun izola hela iha fatin Ginazio Baucau, labele izola fali iha Munsipiu Baucau hodi aumenta risku ba povu iha Munisipiu Baucau.

Bainhira izola sidadaun hirak nee iha Munisipiu Baucau, Pe. manuel konsidera nee la justu, no fuan la mos ba rai Timor Leste, tanba liu husi nee bele lori moras ba Munisipiu Baucau hodi daet fali ba povu iha Baucau.

“Ita laos rejeita sira mai iha nee, maibe situasaun ohin loron ita presiza ida – ida tuur iha nia fatin hodi asegura povu nia moris,” tenia Pe. Manuel.

Tuir Pe. Manuel nia hanoin la hatene planu Prezidente Autoridade Munisipiu nia hanoin nee oinsa, nee hanesan planu ida neebe la duun justu hodi simu sidadaun hirak nee izola iha Munisipiu Baucau.

Amu nee husu ba autoridade munisipiu sira atu matan moris neon nain tau responsabilidade ba povu.

Nunee ba sidadaun neebe mak la pertense ba Munisipiu Baucau diak liu haruka fila ba idak – idak nia munisipiu, atu nunee ba ema neebe mak ukun iha munisipiu nee bele responsabiliza.

Nunee mos amu nee husu ba nai ulun sira labele abandona nia povu hanesan nee, maibe hanesan nai ulun tenke iha moral atu diak ka aat nafatin sidadaun ida ba nia munisipiu, tenke responsabilidade ba nia sidadaun, lalika ema seluk mak sai fali responsabiliza ba nia sidadaun.

Iha fatin seluk, Prezidente Asosiasaun ONG Baucau (AOB) Augosto Pires hatete, nasaun vizinu Indonezia neebe mak dadaun nakonu ho moras aat nee, nunee ba joven sira neebe mak hakat liu fonteira ho ilegal mai izola iha Munisipiu Baucau, automatikamente sidadaun hirak nee hetan ona moras aat nee.

Nia hateten, tuir loos sidadaun hirak nee tau iha fatin izolamentu Tasi tolu neebe prepara husi governu hanesan fatin ida neebe diak no dignu ba sidadaun sira neebe mak atu izola, labele lori fali sidadaun hirak nee mai Munisipiu Baucau, tanba fatin izolamentu Ginazio Baucau dadaun nee mos laiha kondisaun diak ba sidadaun neebe mak halo izolamentu.

“La tau fatin neebe diak hanesan Dili, maibe lori mai tau fali iha Baucau nee hanesan ameasa boot ida ba komunidade Baucau,” katak Prezidente AOB

Nia hatutan, governu tenke aselera ho justu ba regulamentu sira konaba Covid-19 nian iha Timor Leste, tenke foti desizaun rigorozu nunee ema hotu bele kumpre.

Augostu hateten, ba sidadaun neebe mak konsege hakat liu foronteira ho ilegal nee hanesan lakon ona nia moris dignu iha nasaun ida nee.

Entretantu, Fernando Gusmão kodigu “Berdu’u” mos koalia, ukun nain sira tenke presiza mos hare ba hahalok joven sira neebe mak kontinua hakat liu fronteira ho ilegal, tanba liu husi dala nee bele lori moras aat nee mai tama Timor Leste hodi kontinua fo terus ba povu kiik sira.

“Hau mak boot karik, ba iha neeba mai fila fali toma medida ida ba sira,” tenik Berdu’u ho siak.

Nia hatutan, ba sidadaun hirak neebe mak hakat liu fronteira hodi izola ona iha Baucau, diak liu estadu lalika fo han ba sira, tanba nee laos estadu mak haruka sira ba.*

Reportajen: Tomas Reis

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 26 Setembru: Kazu Pozitivu 32 & Rekuperadu 83

DILI, STLNEWS.co - Sentru Integradu Jestaun Krize (SIJK) ohin relata kazu pozitivu iha ema nain 32 no rekuperadu hamutuk 117. "Kazu detetadu foun neebe relata ohin loron...

MTKI Loke Kompetisaun Pintura

DILI, STLNEWS.co - Ministeriu Turizmu Komersiu no Industria (MTKI), liu husi Diresaun Nasional Emprendismo ba Atividade Produtus Turistiku organiza kompetisaun pintura ba joven sira. Grupu...

Remata Nia Misaun Iha TL, Sitorus Despedida Ho WNI

DILI, STLNEWS.co – Embaixador Indonezia ba Timor Leste (TL), Sahat Sitorus ho nia espoza Bintang Vera C. Sitanggang, neebe durante tinan 4 ho balun...
%d bloggers like this: