PM Ho Embaixador EUA Lansa Primeira Pedra Aerodromu Baucau

BAUCAU, STLNEWS.co – Primeiru Ministru (PM) Taur Matan Ruak no Embaixador Estadus Unidus Amerika, Kevin Blackstone partisipa seremonia primeira pedra iha munisipiu Baucau hodi marka ofisialmente inisisiu reabilitasaun konjunta Aerodromu.

Embaixador Estadus Unidus Amerika, Kevin Blackstone hatete, serimonia primeira pedra nee halao hafoin semana rua asinatura memorando entendimentu rua entre Governu Timor Leste no Governu Estadus Unidus Amerika iha loron 28 Junu liu ba hodi ofisializa kompromisu konjunta ba reabilitasaun parte balun husi Aerodromu Baucau no hamutuk halo diskusaun ho boa fe ba posibilidade apoiu setor aviasaun sivil iha Timor Leste.

Projetu reabilitasaun nee finansia husi Ministeiru Defeza EUA ho objetivu atu hadiak kapasidade F-FDTL nian iha area seguransa, apoiu umanitaria no resposta ba dezastre naturais.

Inisiu fulan Outobru tinan nee ekipa konjunta enjenaria husi F-FDTL no militar EUA sei halao reabilitasaun eskala kiik iha Aerodromu Baucau inklui hadia lutu perimetru no konstrusaun armazen ba ekipamentu neebe F-FDTL sei utiliza ba operasaun no manutensaun ba ninian komponente Aereu.

Embaixador nee sublina, importansia husi serimonia primeira pedra nee no relasaun diak iha kooperasaun seguransa no mos ekonomia entre nasaun Timor Leste no Estadus Unidus Amerika.

“Serimonia primeira pedra ohin, representa EUA nia komprimisiu forte hodi apoiu povu no governu Timor Leste hodi promove nia dezenvolve seguransa no ekomonia,” dehan Embaixador Estadus Unidus Amerika, Kevin Blackstone liu husi nia diskursu wainhira halao lansamentu primeira pedra ba reabilitasaun Aerodromu Baucau, Segunda (12/07/2021).

Nia hatutan, reabilitasaun konjunta Aerodromu Baucau sei fo impakto signifikativu ba F-FDTL nia kapasidade hodi kontrola Timor Leste nia teritoriu maritima no responde ba dezastre naturais.

Iha fatin hanesan Primeiru Ministru Taur Matan Ruak hateten, diskusaun ba projetu reabilitasaun aeroportu Baucau tempo naruk loos desde sei Jeneral halo diskusaun dala rua ou dala tolu ho Komandante Pasifiku, maibe ideia inisial mak foin apoiu harii forsa Aero Timor nian.

“Forsa Aero Timor presiza aeroportu ida entaun iha tempo governasaun uluk eis PM Xanana Gusmão hatudu aeroportu ida nee, negosio hotu hotu lao avolta roda haleu aeroportu Baucau,” dehan PM Taur Matan Ruak.

Nia afirma, klaru aeroportu Baucau aban bainrua iha potensia purvovalmente laos tan saida maibe purvolta 5 minimu 10 anos masimu hateten ida nee, tanba 20 anos kontinua duut naruk, entaun nao e tao sedu entaun mehi 5 anos bele realiza.

Nia hatutan, iha aeroportu sira seluk hanesan aeroportu Suai, aeroportu Oecusse, no aeroportu seluk iha kapasidade atu absolve vous husi neebe deit mais ohin loron aviaun laiha.

Espekulasaun barak neebe hanoin Estadus Unidus atu halo baze iha aeroportu Baucau nuudar sai jeneral tinan barak la presiza Baucau sai baze, tanba EUA sai primeiru potensia militar iha mundo, la presiza Baucau sai baze ba aero naval EUA nian.*

Reportajen: MJ-1
Editora: Ekipa STL

LEAVE A REPLY

Please enter your comment!
Please enter your name here

NEWS UPDATE

Covid-19 Update (29 Jullu 2021): Numeru Pozitivu Kontinua Aas Iha Ermera

DILI, STLNEWS.co - Loron Kinta (29/07/ 2021), Centru Integradu Gestão de Crises, Sala Situação (CIGC-SS / SS-SIJK) rejistu tan kazu konfirmadu pozitivu Covid-19 hamutuk...

Nobel da Paz Prepara Materia Ba Ezame

DILI, STLNEWS.co - Eskola Ensinu Sekundariu Nobel da Paz, prepara ona materia ba estudante sira, atu tuir ezame segundu periodu ano letivu 2021, neebe...

IFFS Reativa Aula Prezensial

DILI, STLNEWS.co - Reitor Instituto Filosofico Sao Francisco de Sales (IFFS), Pe. Manuel Pinto hatete, reativa aula prosesu aprendizajen, tanba lakon tempu barak ona...
%d bloggers like this: