PM Presta Omenajen Ikus Ba Bispu Dom Basilio

BAUCAU, STLNEWS.co – Primeiru Ministru (PM) Taur Matan Ruak presta omenajen no hato’o adeus ikus ba Bispu Dioseze Baucau, Dom Basilio do Nascimento neebe Nai Maromak bolu hikas ona iha loron 30 fulan Outubru liuba.

Liu husi diskursu, Primeiru Ministru Taur Matan Ruak iha Katedral Baucau, Kinta (04/11/2021) nee hatete ohin halibur hamutuk hodi presta omejen ikus ba bibi atan kreda Katolika Bispu Basilio, neebe Nai Maromak bolu hikas ona.

“Sarani sira hotu iha Timor laran tomak, ita halibur malu iha nee hodi presta ita nia adeus ikus no fo omenajen publika ba ita nia amigu boot, oan mane Timor nian Sua Excelencia Reverendíssima Amu Bispu Dom Basílio do Nascimento, neebe husik hela ita iha loron 30 fulan Outubru tinan 2021, iha fulan kotuk, hodi liu ba Aman Maromak nia kadunan leten aas ba,” dehan PM Taur.

Primeiru Ministru Taur hatutan, fo omenajen ba Suai no Covalima nia oan ida, neebe dedika nia vida tomak ba Jesus Kristu, hodi ba estuda no forma-an iha estranjeiru, maibe sempre hatene onra no dignifika identidade Timor nian, hodi konkista domin no halo amigu iha fatin hotu – hotu neebe nia liu.

“Maluk no amigu sira hanoin no halerik iha Evora, Portugal, fatin neebe konsagra-an no servisu hanesan paroku, professor, diretor espiritual Seminario Maior nomos membru ativo Arquidioseze nian. Hanesan mos iha Paris, Fransa, fatin neebe nia kompleta nia estudu ba lian fransés no teologia pastoral no katequese, hodi ezerse mos responsabilidade ba komunidade emigrantes, neebe hela no moris iha rai Fransa.” dehan Xefe Governu nee.

Destinu ho istoria hili Dom Basílio do Nascimento hanesan protagonista ezemplar husi Igreja Katolika ba luta libertasaun nasional,” dehan Taur.

(eme)

LEAVE A REPLY

Please enter your comment!
Please enter your name here

NEWS UPDATE

Xanana Fila Hikas Ona Mai TL Ho Batik

DILI, STLNEWS.co - Hafoin halao viajen ba Japaun ho Portugal, durante semana 3 hodi halao enkontru lubuk ida, no simu honorariu doctorate 2 husi...

Jornalista Iha Filipina Hetan Tiru, Suspeitu Sei Misteriu

DILI, STLNEWS.co – Jornalista ida mate hetan tiru iha Filipina loron Kuarta horiseik (08/12/2022), bazeia ba informasaun husi grupu advokasia fatin neeba. Nia mak Jesus...

Universidade Katolika TL Iha Lasu No Devosaun Boot

DILI, STLNEWS.co – Ohin governu no lider Igreja Katolika hamutuk ho Premeadu Nobel da Paz, Dr. Jose Ramos Horta halo inagurasaun abertura solene Universidade...