PNDS Dada Bee Moos Iha Buruma

BAUCAU, STLNEWS.co – Xefe Suku Buruma, Postu Administrativu Baucau Vila, Munisipiu Baucau, Liborio dos Santos Freitas, informa Programa Nasional Dezenvolvimentu Suku (PNDS) dada bee moos ba komunidade iha Suku Buruma hein atu halo inagurasaun deit.

Lia hirak nee hato’o husi Xefe Suku Buruma, Liborio dos Santos Freitas ba STL iha nia rezidensia Buruma, Domingo (12/09/2021).

“Hein atu enkontru 100% nian, tanba agora nee projetu dada bee moos nee fizikamente remata tiha ona,” dehan Liborio.

Nia hatutan, dadaun nee projetu dada bee moos ba komunidade remata ona, hein deit atu halo inagurasaun, maibe sei tuir prosedementu PNDS nian, sei realiza tan enkontru 100% mak foin bele entrega ba parte suku.

Maske projetu dada bee moos nee remata ona hein deit halo inagurasaun, nunee projetu nee sei iha responsavel ekipa jestaun PNDS nia liman.

Hanesan parte suku, kontinua halo konfirmasaun ho tekniku parte PNDS atu nunee bele aselera programa inagurasaun bee moos iha Suku Buruma.

Total fundus PNDS neebe preve be bee moos sistema gravitasaun iha Aldeia Suli-Ua, Suku Buruma hamutuk US$ 49.250,20.

Suku Buruma rasik ho aldeia mak hanesan Aldeia Ono-Sere, Casmutu, Suli-Ua, total polulasaun iha Suku Buruma hamutuk 3.639.*

Reportajen: Tomas Reis
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

KM Aprova Dekretu Lei Apoiu Nesesidade Baziku Ba Funsionariu Publiku

DILI , STLNEWS.co – Konsellu Ministru (KM) halao sorumutu iha Palasiu Governu aprova ona projetu dekretu-lei, atu kria subsidiu mensal ai-han nian ba funsionariu...

MAE Fo Pose Ba Prezidente Autoridade Munisipiu Dili

DILI, STLNEWS.co – Governu liu husi Ministeriu Administrasaun Estatal (MAE), fo pose ba Prezidente Autoridade Munisipiu Dili foun. Ministru Administrasaun Estatal (MAE) Miguel Pereira de...

Update Covid-19 TL 20 Setembru: Kazu Positivu 25, Rekuperadu 127 & Obitu 1

DILI, STLNEWS.co – Sentru Integradu Jestaun Krize (SIJK) ohin relata kazu positivu iha ema nain 25, rekuperadu 127 no obitu nain 1. "Kazu detetadu foun neebe...
%d bloggers like this: