PNDS Rehabilita Sede Suku 5 Iha Soibada

DILI, STLNEWS.co – Programa Nasional Dezenvolvimentu Suku (PNDS) implementa ona programa Rehabilitasaun Sede Suku (RSS) ba suku lima (5) iha Postu Soibada.

Tuir reprezentante ekipa teknika PNDS Terezinha da Costa Moniz informa, suku lima (5) neebe implementa programa RSS nee mak hanesan suku Manlala, Leo-Hat, Uma Kerek, Fatu makerek no Manufahi.

“Programa RSS hanesan ita halo rehabilitasaun ba sede suku 5 neebe mak ho kondisaun aat, ita konstrui fila fali no oras nee dadaun prosesu konstrusaun lao hela,” dehan nia ba jornalista liu husi telefone, Kuarta nee (08/09/2021).

Nia dehan, orsamentu ba rehabilitasaun suku nee kada suku nia montante la hanesan, tanba bazeia ba dadus husi ekipa PNDS katak, balun kondisaun aat liu no balun lae.

Entertantu Xefe Suku Manlala Joao Baptista dehan, sede suku neebe mak oras nee dadaun hetan rehabilitasaun husi PNDS nee, uluk konstrui iha tinan 2007 no oras nee kondisaun ladiak ona, no fo impaktu tebes ba ekipa suku sira bainhira halo servisu iha tempu udan no anin.

“Ita agradese tebes, tanba husi apoiu PNDS nian ohin loron bele rehabilita ona sede suku nee rasik,” dehan Xefe Suku nee.   

Nia hatete, sede suku neebe rehabilita nee sei kompleta ho haris fatin, sintina no instalasaun eletrisidade no prosesu konstrusaun kuaze 35 % ona.*

Reportajen: Santina Castro

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

KM Aprova Dekretu Lei Apoiu Nesesidade Baziku Ba Funsionariu Publiku

DILI , STLNEWS.co – Konsellu Ministru (KM) halao sorumutu iha Palasiu Governu aprova ona projetu dekretu-lei, atu kria subsidiu mensal ai-han nian ba funsionariu...

MAE Fo Pose Ba Prezidente Autoridade Munisipiu Dili

DILI, STLNEWS.co – Governu liu husi Ministeriu Administrasaun Estatal (MAE), fo pose ba Prezidente Autoridade Munisipiu Dili foun. Ministru Administrasaun Estatal (MAE) Miguel Pereira de...

Update Covid-19 TL 20 Setembru: Kazu Positivu 25, Rekuperadu 127 & Obitu 1

DILI, STLNEWS.co – Sentru Integradu Jestaun Krize (SIJK) ohin relata kazu positivu iha ema nain 25, rekuperadu 127 no obitu nain 1. "Kazu detetadu foun neebe...
%d bloggers like this: