Polres Belu Entrega Tan Membru GAM 352 Ne’ebe Tama Ilegal Iha Atambua

BATUGADE, STLNEWS.co – Autoridade Seguransa Indonezia liu husi Polres Belu, entrega tan membru Grupu Arte Marsiais (GAM) husi PSHT (Persaudaraan Setia Hati Terate) hamutuk 352 ne’ebe antes nee hetan kapturasaun iha area Atambua Nusa Tengara Timur (NTT), tanba hakat fronteira terestre liu dalan ilegal hodi partisipa seremonia graduasaun hasae sintu iha Indonezia.

Tuir press realease neebe mak STL asesu husi Media Oficer MI, iha loron Sesta (20/08/2021), Komandante UPF (Unidade Patrullamentu Fronteira), Superintendente Polisia, Euclides Belo, konfirma sidadaun Timoroan hirak nee envolve an iha grupu arte marsiais no hakat liu husi dalan ilegal ba graduasaun (sae sabuk) iha Indonezia.

“Ohin ofisialmente autoridade seguransa Indonezia nian, kompostu husi Polres Belu, Dandim, no Migrasaun Indonezia, entrega hikas ita nia sidadaun Timoroan ho total hamutuk ema nain 352 ne’ebe atravesa ilegalmente ba Indonezia hodi tuir graduasaun ba grupu arte marsiais PSHT,” haktuir Euclides Belo ba jornalista sira iha Postu Integradu Mota Ain, foin lalais nee.

Nia dehan, sidadaun Timoroan hirak nee nia parte halo ona identifikasaun no dadaun entrega ona ba Sentru Integradu Jestaun Krize transporta ba Dili hodi kumpri kuarentena durante loron 14 nia laran hafoin sei prosesu tuir lei neebe vigor, tanba kontra ona regra Estadu Emerjensia (EE) hodi hakat sai husi Timor Leste ba Indonézia ilegalmente.

“Ami servisu koordenadu ho autoridade sira neebe servisu iha lina fronteira, espesialmente ba Sentru Integradu Mota Ain, durante prosesu tomak ami kumpri ona regra no prosedimentu tuir protokolu neebe estabelese hela iha ita nia rain,” dehan nia.

Euclides hateten, nia parte mos simu estudante nain 109 husi Indonezia neebe desidi fila mai Timor, tanba pasaporte kaduka no fixa mate inklui mos Timoroan nain 36 ne’ebe la konsege ba servisu iha Inglatera tanba konsidera Indonezia kategoria zona mean ba Covid-19.

Reportajen: Efizenia da Costa

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 26 Setembru: Kazu Pozitivu 32 & Rekuperadu 83

DILI, STLNEWS.co - Sentru Integradu Jestaun Krize (SIJK) ohin relata kazu pozitivu iha ema nain 32 no rekuperadu hamutuk 117. "Kazu detetadu foun neebe relata ohin loron...

MTKI Loke Kompetisaun Pintura

DILI, STLNEWS.co - Ministeriu Turizmu Komersiu no Industria (MTKI), liu husi Diresaun Nasional Emprendismo ba Atividade Produtus Turistiku organiza kompetisaun pintura ba joven sira. Grupu...

Remata Nia Misaun Iha TL, Sitorus Despedida Ho WNI

DILI, STLNEWS.co – Embaixador Indonezia ba Timor Leste (TL), Sahat Sitorus ho nia espoza Bintang Vera C. Sitanggang, neebe durante tinan 4 ho balun...
%d bloggers like this: