Postu Quelicai Suku 2, Aldeia Balun Sei Sunu Lamparina

BAUCAU, STLNEWS.co – Postu Administrativu Quelicai, Munisipiu Baucau iha suku rua (2) no aldeia balun komunidade nafatin sei sunu lamparina iha tempu kalan.

Lia hirak nee hatoo husi Administradus Postu Quelicai, Sebastiano Perreira Gaio Pirez ba STL nia knaar fatin, Sabado (19/06/2021).

Nia hateten, iha tempo kalan fo difikulta tebes ba sira, tanba nafatin uza lamparina nunee bele asesu naroman iha tempu kalan hodi estudante sira estuda.

Sebastiano hatutan, iha Postu Administrativo Quelicai iha suku rua no aldeia balun mak seidauk asesu eletrisidade mak hanesan suku Maluro, suku Namanei, aldeia Busilai, no aldeia Defadae.

“Iha Quelicai suku rua mak seidauk hetan eletrisidade suku Maluro nunee mos suku Namanei maibe iha mos aldeia Busilai no Defadae mak durante nee eletrisidade seidauk tama too ohin loron mos sira nafatin iha nakukun laran, tempo kalan hau haree nafatin sunu lampurinas,” dehan Administrador nee.

Nia hatutan, tempo barak ona populasaun iha suku rua no aldeia rua iha postu administrativu quelicai gasta osan baran ona ba lilin, mina rai, tanba situasaun labarik sira nian oinsa hetan naroman iha tempo kalan atu estuda.

Iha fatin seluk Xefe Suku Makalaku, Julio Marques Belo hatete, durante nee haruka ona pedidu maibe seidauk hetan rezultadu husi parte relevante sira.
“Konaba eletrisidade nian hatama tiha ona maibe too ohin loron seidauk hetan apoiu i seidauk hetan rezultado,” katak nia.

Nia hatutan, wainhira rezultadu husi nia pedidu iha ona resposta no ekipamentus too ona fatin, komunidade sira sei voluntariamente kee kuak no dada fiu eletrisidade ba nia aldeia.

Reportajen: MJ-1
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Covid-19 Update (29 Jullu 2021): Numeru Pozitivu Kontinua Aas Iha Ermera

DILI, STLNEWS.co - Loron Kinta (29/07/ 2021), Centru Integradu Gestão de Crises, Sala Situação (CIGC-SS / SS-SIJK) rejistu tan kazu konfirmadu pozitivu Covid-19 hamutuk...

Nobel da Paz Prepara Materia Ba Ezame

DILI, STLNEWS.co - Eskola Ensinu Sekundariu Nobel da Paz, prepara ona materia ba estudante sira, atu tuir ezame segundu periodu ano letivu 2021, neebe...

IFFS Reativa Aula Prezensial

DILI, STLNEWS.co - Reitor Instituto Filosofico Sao Francisco de Sales (IFFS), Pe. Manuel Pinto hatete, reativa aula prosesu aprendizajen, tanba lakon tempu barak ona...
%d bloggers like this: