Povu Remotas Balu Sofre Linha Eletrisidade

DILI, STLNEWS.co – Povu iha area remotas balu too agora seidauk asesu ba linha eletrisidade, tanba nee husu ba governu atu fo importansia.

Kestaun nee fo sai husi Diretor Kompanhia Buka Rasik Lda, Fernando Maia ba STL liu husi telefone, Kuarta nee (03/08/2022).

“Ita nia povu iha area remotas balu sei kontinua halerik ba linha eletrisidade, maski ukun aan tinan 20 ona, maibe povu kontinua sofre, no iha tinan kotuk governu promete ona katak, tinan oin ahi tenki lakan hotu ona iha teritoriu tomak, la hatene prosesu lao oinsa ona,” dehan nia.

Nia afirma liu tan, Munisipiu Ermera, iha suku barak mak seidauk asesu ba ahi, balu kompanhia sira hatun daudaun ona besi rin, maibe too agora seidauk halo instalasaun.

Iha parte seluk, reprezentante povu iha uma fukun Parlamentu Nasional, Deputadu Domingos de Carvalho hatutan, los duni povu barak mak too oras nee seidauk asesu ba linha eletrisidade, tanba nee kada tinan parlamentu aprova osan boot, maibe povu kontinua halerik.

“Ami husu ba governu atu toma atensaun ba suku sira neebe too agora seidauk asesu ba linha eletrisidade, la asesu ba eletrisidade oinsa sira bele senti naroman,” dehan deputadu nee.

(mad)

LEAVE A REPLY

Please enter your comment!
Please enter your name here

NEWS UPDATE

Inagura Sede Foun, Maibe Fasilidade Laiha

DILI, STLNEWS.co - Xefi Suku Akadiru-Hun, Juvinal da Conceição hatete, nia parte kontenti ba efidisiu foun sede nian neebé inagura ona, maibe fasilidade mak...

Estabelese Tribunal Supremu, Kompleta Prosedimentu

DILI, STLNEWS.co - Jurista Timor oan konsidera, importante estabelese Tribunal Supremu Justisa atu kompleta prosedimentu prosesual. "Supremu tribunal ba justisa importante tebes, portantu ita presiza...

Horta Fiar Sei Laiha Intervensaun Politika Iha PNTL

DILI, STLNEWS.co - Prezidente Republika (PR), José Ramos Horta hatete, nia fiar sei laiha intervensaun politika ba iha instituisaun Polisia Nasional Timor Leste (PNTL),...