Povu Uailili Enfrenta Infraestrutura Baziku

DILI, STLNEWS.co – Infraestrutura baziku to’o oras nee sei sai nafatin preokupasaun boot ba komunidade sira iha baze, liu – liu estrada no eletrisidade hanesan iha Suku Uailili, neebe lokaliza iha Munisipiu Baucau, to’o agora sei hasoru hela problema nee.

“Ita nia povu sei kontinua halerik ba infraestrutura baziku, hanesan estrada aat difikulta povu agrikultor atu lori sira nia produtu lokal asesu ba merkadu, nunee movimentu transporte publiku labele lao livre tanba estrada ladiak, aleinde estrada povu balun sei halerik ba eletrisidade neebe to’o agora seidauk fo naroman,” kestaun nee fo sai husi Xefe Suku Uailili Hernanio Ribeiro ba STL Sabadu nee (18/09/2021) iha Farol, Dili.

Nia katak, konaba eletrisidade iha Suku Uailili, aldeia rua mak seidauk tama, total populasaun iha Aldeia rua nee, kuaze haat nulu (40) resin, no aldeia rua neebe eletrisidade seidauk tama nee, sira hela dook tebes husi suku, tanba nee eletrisidade seidauk tama.

Iha parte seluk, Deputada Gabriela Alves hatete, problema estrda, eletrisidade, no bee moos to’o agora povu kontinua halerik, tanba nee liu husi orsamentu neebe iha, governu tenke tau importansia ba povu nia halerik sira nee.

“Hau hanoin atu fasilita povu asesu ba merkadu ho livre mak, governu tenke tau osan iha Ministeriu Obras Publikas (MOP) hodi rezolve povu nia halerik sira nee, no fo espasu ba agrikultor sira, bele lori netik sira nia produtu lokal neebe durante nee sira produs ona,” dehan deputada nee.*

Reportajen: Madalena Horta

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 20 Outubru: Kazu Foun Hamutuk 16

DILI, STLNEWS.co - Ohin loron Sentru Integradu Jestaun Krize (SIJK) rejistu kazu foun hamutuk 16, iha Dili 14 no munisipiu seluk iha nain 2. "Kazu...

Membru F-FDTL Foun Ida Halai Lakon

DILI, STLNEWS.co - Membru foun FALINTIL Forsa Defeza Timor Leste (F-FDTL) ida ohin halai lakon iha sentru formasaun Metinaro tanba la augenta ho instrusaun...

Maromak La Dukur Ba Nia Ema

DILI, STLNEWS.co - Maromak mak iha kbiit tomak sempre akompanha ema hotu iha tempu saida deit no nunka dukur ba ema, tanba ne'e presiza...