PR Dekreta EE, Kareta Privadu Indonezia ho Sapa Matrikula DH Tama Livre

Hafoin Prezidente Republika (PR) Francisco Guterres Lú Olo, dekreta renovasaun Estadu Emerjensia ba da-5, kareta Toyota Fortuner metan ho sapa matrikula Indonezia DH 1530 ED tama livre Timor Leste. (Photo: STL News/Crisogono Magalhães)

MALIANA, STLNEWS.co – Hafoin Prezidente Republika (PR) Francisco Guterres Lú Olo, dekreta renovasaun Estadu Emerjensia ba da-5, kareta Toyota Fortuner metan ho sapa matrikula Indonezia DH 1530 ED tama livre Timor Leste.

Antes nee iha loron Kinta (03/09/2020), PR liu husi komunikadu imprensa fo sai katak, desidi estende tan EE ba da-5, nuudar medidas prevensaun no kontrolu atu hases sidadaun Timor-Leste hotu husi kalamidade publiku, neebe bele mosu husi COVID-19.

Estadu tetu riskus neebe asosiadu ho SARS-CoV-2 ba Timor-Leste no medidas neebe tenke foti, atu prevene importasaun moras husi rai-seluk, liu liu husi nasaun neebe iha relasaun besik liu ho Timor-Leste.

Ba prevensaun no kontrolu ba COVID-19, estadu sei tau atensaun espesial ba ninia fronteira sira, hanesan pontu entrada mai teritoriu nasional no impoin kuarentena ba suspeitu ho infesaun no izolamentu ba ema hirak neebe hetan moras no sai suspeitu.

“Ho medida sira nee, mak sei bele proteje populasaun hotu-hotu. La ho medidas hirak nee situasaun iha ita nia pais bele oin-seluk, no potensialmente sai difísil liu,” hatete PR liu husi karta komunikadu nee.

Maibe husi observaaun neebe STL asesu, iha loron Sabadu (05/09/2020), mais ou menus oras tuku 9 kalan hare kareta Toyota Fortunuer neebe halai husi diresaun fronteira Mota-ain, hodi mai partisipa atividade iha Postu Administrativu Atabae, Munisipiu Maliana.*

Editor: Crisogono Magalhães

LEAVE A REPLY

Please enter your comment!
Please enter your name here