PR Halo Dialogu Aberta Ho Povu Baucau

Prezidente Republika Francisco Guterres Lú Olo halo dialogu aberta ho komunidade Munisipiu Baucau. (Foto: Media PR)

BAUCAU, STLNEWS.co – Prezidente Republika Francisco Guterres Lú Olo halo dialogu aberta ho komunidade Munisipiu Baucau. Topiko ho ba dialogu mak Dada lia ho Lú Olo, dialogu sei hametin Solusaun ba problema neebe deit.

Iha biban Nee Prezidente Autoridade Munisipiu Baucau Antonio Augosto Guterres liu husi diskursu, Kinta (17/12/2020) lori povu Baucau nia naran hatoo bemvindo no agradese tanba PR bele vizita ona Munisipiu Baucau hodi haree direita povu nia preokupasaun hotu.

‘Ho ksolok boot hetan aman nasaun no inan nasaun nia mai rona direitamente lamentasaun no problema neebe mak povu Baucau imfrenta, permite hau atu hatoo liafuan badak ruma, hamutuk ho komunidade baucau oan tomak mai ita hamutuk hatoo bemvindo baa man nasaun no inan nasaun neebe hahu hodiseik dia 16 fulan Dezembru too aban 18/12/2020 mak husik Baucau.” hatete Antonio.

Antonio Augosto Guterres hatete Administrativamente Baucau iha postu administrativu 6, suku 59,281 neebe ho total populasaun tuir fixa familia neebe rokolla iha tinan ida nee, 184.489 neebe kompostu husi mane 93.279 no feto 91.220 ho total uma-kain 34.671.

Nunee mos Xefe Casa Sivil Francisco Maria de Vasconcelos hatutan objetivu husi dialogu ida nee atu lori besik palasiu prezidente ba iha komunidade sira.

“Prezidente laos ezekutiva maibe prezidente hakarak ba halo dialogu ho komunidade sira atu rona komunidade sira nia problema no problema sira nia nesesidade hodi uja nia kompetensia neebe mak atribui ba iha prezidente hodi uja nia kompetensia hodi hatoo ba iha governu atu hadia kondisaun povu nia moris diak” dehan nia.

Nunee mos Prezidente Republika (PR) Francisco Guterres Lú Olo hatutan ho dialogu ho povu munisípiu Baucau hodi hatene preokupasaun saida mak povu Baucau infrenta.

Iha dialogu nee Prezidente Republika Francisco Guterres Lú Olo abertura ho minutu de silensiu hodi hanoin hikas ba eroi sira neebe fo vida tomak ba povu no nasaun Timor-Leste.

“Iha tinan balun ba kotuk, hau-nia uma lisan fo sai hau iha Aeroportu Baucau, hahu kampana, iha neeba tiu ida dehan ho lian Baucau katak Lú Olo ami mai fase o-nia liman, ain para hasoru loron no fulan neebe sei mai, signifika ami hasai o husi uma ida nee para sai Prezidente Republika ba povu tomak, entaun ohin mai fali katak hau sai duni prezidente ba povu tomak,” dehan Prezidente Lú Olo.

PR mos hatoo agradese ba povu munisípiu Baucau neebe fo ona konfiansa ba nia hodi sai prezidente ba povu tomak.

“Hau lakohi koalia barak, hau hakarak rona barak husi imi. Duke hau mak koalia barak liu, diak liu hau rona barak liu husi ita-boot sira, kona-ba situasaun sira hotu iha munisípiu Baucau nian,” nia dehan.

Partisipante neebe mak partisipa iha Dialogu nee mak hanesan veteranu, sosiedade sivíl, autoriedade lokal, estudante, organizasaun internasional membru Parlamentu Nasional (PN) inklui membru governu sira.

Bainhira Remata dialogu PR Mos entrega ai oan simbolikamente ba Administrador posto Administrativu baucau Vila, no kada posto Administrativu sei simu ai oan rihun ida.*

Reportajen: Emerenciana Pinto
Editor: Ekipa STL

LEAVE A REPLY

Please enter your comment!
Please enter your name here