PR Lú Olo Vizita SDK no Kuda Ai-Kameli; Padre Martinho SDK Halibur Domin

BAUCAU, STLNEWS.co – Prezidente Republika (PR) Francisco Guterres Lú Olo ho espoza vizita Sentru Dezenvolvimentu Komunitaiu (SDK) Triloka neebe lokaliza iha area Aubaka munisipiu baucau. Iha vizita nee PR ho ekipa kuda mos ai-kameli oan hamutuk 100.

PR dehan, kuda ai oan nee nuudar kontributu PR no ema hotu nian hodi kuda nafatin ai oan ba rai hodi proteze meiu ambiente neebe mak saudavel ba jerasaun sira tuir mai, Xefe Estadu hatutan, sentru nee laos deit kuda ai oan, maibe ninia mehi boot tebes, para halo dezenvolvimentu ida nee lao ba oin liu husi agrikultura neebe sei dezenvolve iha tinan oin mai.

“Esperiénsia neebe horseik ha’u haree no ohin, ha’u halo konkluzaun ida deit katak ita timoroan mos bele halo diak ba ita-nia rai, soke ita-nia kapasidade nee sei kiik, para hakat ba oin, maibe importante liu mak ita hahu depois mak sukat ita-nia forsa hodi lao ba oin,” dehan PR Lú Olo.

Aman nasaun nee mos fiar katak timor oan mos iha ona kapasidade hodi dezenvolve timor leste lao ba oin maibe presiza tulun malu nafatin.

“Hau fiar metin iha ita-nia kapasidade rasik para bele dezenvolve ita-nia rai, tanba nee ita hotu presiza tulun malu, ba labarik sira, inan-aman, autoriedade sira ajuda malu para oinsa hatudu hela sinal pozitivu ka kuda hela valores sira nee iha sira-nia hahalok para bele sira bele kaer tutan katak buat neebe ita halo nee diak ba sira iha futuru,” nia dehan.

Aman ba nasaun ne’e mós korajem ba sidadaun hotu katak, dalaruma ema hahu, ema dehan laiha valor, maibe bainhira iha ona nia rezultadu mak ema foin hakfodak katak, buat nee iha valor duni.

“Hanesan uluk ita-nia Avó sira kuda hela kulu iha Baukau maka ohin lorin ita bele hatene buat furak nee, maibe la kuda karik uta mos la isprementa buat furak ida nee. Hanesan mos agora dadaun neebe ita halo,” dehan PR Lú Olo.

Iha fatin hanesan Koordenadór SDK Padre Martinho Gusmão agradese ba PR Lú Olo no espoza Cidália Mouzinho, tanba molok fila ba Dili, bele liu iha sentru dezenvolvimentu komunitariu hodi kuda ai oan.

“Iha nee ami fo treinamentu ba joven sira, oinsa atu sai servisu diak iha sosiedade, mezmu iha fiar no organizasun neebe diferente, maibe SDK fo hanoin ba sira oinsa bele sai servidor diak ba ema hotu. Entaun ohin ami haksolok teb-tebes tanba senor PR no espoza molok liu ba Dili sei liu husi nee, hodi kuda ai oan hamutuk ho ami,” dehan Pe. Martinho.

Entretantu SDK nee hahu estabelese iha 2004 no fo ona formasaun profesional ba joven sira neebe hakarak servisu iha seitor agrikultura inklui haruka balun ba iha Australia. Dadaun nee joventude sira neebe kontinua partisipa iha sentru formasaun nee hamutuk na’n 27 neebe mai husi fiar la hanesan, arte marsial no seluk tan.

Antes PR vizita SDK, Prezidente Republika Francisco Guterres Lú Olo ho espoza no komitiva vizita uluk Falintil Forca Defeza Timor Leste Komandu 1 Batalhao Baucau.

Bainhira PR too iha fatin simu direita husi Xefe Estadu Maior Jeneral F-FDTL Major Jeneral Lere Anan Timur ho Komandante Komponente Terrestre Baucau.

Depois simu ho Guarda de Hondra husi Forsa Armadas, no aprezentasaun husi Komandante Komponente Terrestre konaba situasaun nia.

Depois Remata kontinua Vizita instalasaun no Prezidente Republika Francisco Guterres Lú Olo mos asina Livru de Hondra.

No remata Vizita husi Komandu 1 Batalhao Prezidente Republika ho Komitiva mos kontinua tau aifunan ba rate no kuda mos ai oan.

Reportajen: Emerenciana Pinto
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Sakoko Involve Aan Iha Mundu Filme

BAUCAU, STLNEWS.co - Kombatentes Albino da Silva Kodigu Sakoko, involve aan iha mundu filme hamutuk ho joven Teatru Tebedai (FILTEDA) Baucau, halo produsaun filme...

Estrada Kotu Total, Ameasa Sede Suku Libagua

BAUCAU, STLNEWS.co - Relasiona ho tempu udan iha loron 4 fulan Abril liu ba, estrada diresaun Larifanu too Igreja Samalari kotu total, hodi fo...

Kondutor Kestiona Ema Menus Sosa Rai Henek

DILI, STLNEWS.co - Kondutor hirak neebe lori kareta baskulante, neebe iha area Fomentu, sira kestiona kada loron ema sosa rai henek menus hela deit. "Kada...
%d bloggers like this: