PR Vizita Produsaun Kulat

Prezidente Republika Francisco Guterres Lú Olo ho espoza hamutuk membru governu sira vizita produsaun ai kulat iha suku Fatukeru posto Administrativu Gleno, Munisipiu Ermera. (Foto: Media PR)

ERMERA, STLNEWS.co – Prezidente Republika Francisco Guterres Lú Olo ho espoza hamutuk membru governu sira vizita produsaun ai kulat iha suku Fatukeru posto Administrativu Gleno, Munisipiu Ermera.

Iha vizita nee koordendor produsaun ai-kulat, Cornélio Gago hatete suku Fatukeru iha rekursu neebe potensial ba negosiu maka hanesan ai-kulat. tanba uluk ai-kulat moris iha ai-laran, maibe ohin grupu produsaun ai-kulat lori no kuda ona iha sidade.

Corneliu hatoo lia hira nee hafoin Prezidente Repúblika (PR) Francisco Guterres Lú Olo no espoza Cidália Mauzinho halao vizita kortezia ba sentru produsaun ai-kulat iha suku Fatukeru aldeia Palemanu Kuarta (18/11/2020).

“Agrikultor Fatukeru potensial ho ai-kulat tanba uluk hau-nia maun Prezidente Republika iha ai-laran karik buat nee moris iha ai-laran, maibe agora ami lori kulat mai moris iha sidade,” dehan Cornélio.

Koordenador nee esplika liutan, materia prima neebe grupu nee uza hodi halo produsaun ba ai-kulat mak hanesan ai samatuku nia uut, ahu mama no hare uut neebe fo rezultadu diak no fo benefisía ba saude.

Nunee mos Hamoris kulat nee uza materra prima sira neebe iha leten nee no kahur hamutuk durante oras 24, hafoin tein durante oras 6 too oras 8, depois tein hotu mak ba tau iha fatin inkubasaun durante loron tolunulu depois ba tau iha fatin produsaun durante semana ida toi rua, entaun kulat nee komesa moris ona.

Koordenador nee mos esplika liutan ba eselensia PR Lú Olo no espoza kona-ba prosesu produsaun katak, durante produsaun ba ai-kulat nee kada fatin ida nia durasaun too fulan neen, nunee bainhira too ona fulan neen tenke hasai fali hodi halo ba adubus hodi kuda fali modo.

Alende nee, nia mos hatutan, bainhira kada semana halo kolleta lori lori kedas ba supermerkadu iha Dili no balun faan iha lokál.

Nia hatutan kolleta hotu no fo ba komsumidor ka kliente sira neebe presiza tebes liu-liu iha sidade Dili, aí kulat lori ba Dili semana ida dala tolu tanba ai-kulat nia komparasaun ho naan, kulat diak liu.

“Tanba ai-kulat nee nia proteina kada grama ida iha pursentu 21% kompara ho naan karau nee iha nia protein 0,3% deit. entaun kuandu ami ba faan iha Dili kada kilograma nia folin dollar $7.00, maibe kuandu faan iha lokal deit nee dollar $5.00,” nia dehan.

Nunee mos Xefe Suku Fatukeru Ricardo Madeira Soares katak, suku Fatukeru komunidade sira hahu dezenvolve produsaun ai-kulat neebe sira produz husi materia prima hanesan ai-katapa nia uut, hare uut no ahu-mama.*

Reportajen: Emerenciana Pinto
Editor: Ekipa STL

LEAVE A REPLY

Please enter your comment!
Please enter your name here