Prezidente EDTL,EP. Visita Sub Estasaun Eletrisidade Baucau

BAUCAU, STLNEWS.co – Prezidente Eletrisidade Timor Leste Empreza Publika (EDTL,EP.), Paulo da Silva, halo vizita ba sub estasaun eletrisidade munisipiu Baucau.

Paulo dehan vizita nee atu haree besik ho autoridade munisipal konaba planu dezenvolvimentu setor eletrisidade iha Timor Leste, no halo observasaun ba sub estasaun no staff EDTL sira iha munisipiu Baucau.

“Hau halo vizita trabalho mai iha EDTL Baucau atu hare besik liu, iha objetivu rua, ida mak halo enkontru intrudusaun ho autoridade munisipiu Baucau, informa ba sira konaba planu dezenvolvimentu setor eletrisidade iha TL, no ida seluk hasoru ita nia staff sira koalia konaba lalaok servisu EDTL nian,” dehan Paulo da Silva ba jornalista wainhira remata vizita Oleo Pezadu, Baucau, Tersa (06/07/2021).

Nia dehan aleinde objetivu rua nee, iha atividade ekstra ida seluk hakarak haree mos maluk seguransa sira, neebe mak durante nee halo seguransa iha sub estasaun Baucau nian.

Nia afirma tuir kontratu neebe iha, parte kompania kompremitidu rezolve urjentemente tenke loke komunikasaun lalais, bele koalia ho trabalhadores sira para bele haree prosedementu sira bele rezolve lalais.

Nia dehan, sei buka dalan oinsa mak bele rezolve problema nee ho diak, haree ba pasu sira tuir mai, tanba tuir kontratu neebe mak iha trabalhador hamutuk nain rua nulu resin tolu (23), maibe durante nee trabalhador tolu nulu resin sia (39) mak halo seguransa iha fatin.

Iha fatin hanesan, Koordenador Seguransa, Cipriano Ornai Sarmento da Silva hateten, iha visita nee sira nundar seguransa, hato preokupasaun durante tinan rua la simu salariu.

“Preokupasaun neebe mak durante tinan rua nia laran ami la simu osan nunee ami hato ida nee ba Prezidente EDTL,EP,” katak Cipriano.

Nia dehan, Prezidente EDTL,EP. halo ona kontaktu ho parte kompania, no iha posibilidade semana ida nee sei too fatin hodi selu salariu ba trabalhador hamutuk rua nulu resin tolu (23) neebe mak durante nee halo seguransa iha Oleo Pezadu Baucau, maibe tuir lolos pesoal seguransa neebe mak iha Oleo Pezadu Baucau hamutuk tolu nulu resin sia (39).*

Reportajen: MJ-1
Editora: Josefa Parada

LEAVE A REPLY

Please enter your comment!
Please enter your name here

NEWS UPDATE

Covid-19 Update (29 Jullu 2021): Numeru Pozitivu Kontinua Aas Iha Ermera

DILI, STLNEWS.co - Loron Kinta (29/07/ 2021), Centru Integradu Gestão de Crises, Sala Situação (CIGC-SS / SS-SIJK) rejistu tan kazu konfirmadu pozitivu Covid-19 hamutuk...

Nobel da Paz Prepara Materia Ba Ezame

DILI, STLNEWS.co - Eskola Ensinu Sekundariu Nobel da Paz, prepara ona materia ba estudante sira, atu tuir ezame segundu periodu ano letivu 2021, neebe...

IFFS Reativa Aula Prezensial

DILI, STLNEWS.co - Reitor Instituto Filosofico Sao Francisco de Sales (IFFS), Pe. Manuel Pinto hatete, reativa aula prosesu aprendizajen, tanba lakon tempu barak ona...
%d bloggers like this: