DILI, STLNEWS.co – Projetu US$ 5 benefisia povu iha area rural, tan nee husu ba governu atu kontinua, tanba projetu nee lori mos dezenvolvimentu hakbesik ba povu.
Tuir Autoridade Lokal, Suku Obulo, Fernando Marques katak, projetu US$ 5 neebe governu preve ba iha suku no aldeia nee lori duni benefisiu ba povu iha area remotas, tanba hamoos estarda ninin, taka dalan neebe kuak husi aldeia ida ba aldeia seluk, iha Suku Obulo implementa ona iha Aldeia 2, Obeto ho Atubrau, projetu nee lao durante fulan ida nia laran, no ema neebe servisu, aldeia ida ema nain 20, servisu hahu dader too loraik, no liu husi projetu US$ 5 halo estrada ligasaun aldeia ida ba aldeia seluk diak, no kareta ho motor bele movimentu.
“Projetu US$ 5 fo duni benefisiu ba povu sira, tanba homoos estrada ninin, baleta kuak, no taka dalan sira neebe kuak, loron ida US$ 5, projetu nee lori benefisiu ba povu neebe servisu, nomos dezenvolvementu besik liu ba iha suku no aldeia,” lia hirak nee fo sai husi Auturidade Lokal Suku Obulo, Fernando Marqus ba STL liu husi telfone, Sabadu (05/08/2023).
Nia afirma, projetu neebe lao iha Suku Obulo, Postu Administrativu Atsabe, Munisipiu Ermera, mak hanesan Uma Kbiit Laek (UKL), PNDS nomos projetu US$ 5 neebe uluk konhesidu ho US$ 3, agora sae ona ba US$ 5 kada loron, aldeia ida ema nain 20 mak servisu, durante fulan ida nia laran, tanba nee faze ida agora monu iha Aldeia Obeto ho Atubrau, no faze tuir mai ba fali aldeia seluk neebe seidauk hetan.
Tuir nia, projetu US$ 5 nee finaliza ona, no iha semana kotuk mak sira husi nasional tun mai halo pagamentu, tanba nee povu iha suku ida nee husu nafatin ba governu atu kontinua implementa programa nee, tanba lori benefisiu ba trabalhador nomos dezenvolvimentu besik ba suku.
(mad)
