Sakoko Involve Aan Iha Mundu Filme

BAUCAU, STLNEWS.co – Kombatentes Albino da Silva Kodigu Sakoko, involve aan iha mundu filme hamutuk ho joven Teatru Tebedai (FILTEDA) Baucau, halo produsaun filme kona ba isar bandeira nian.

“Hau nuudar kombatentes, hau uza hau nia sentimentu pasadu iha film nee hodi akompania no suporta juventude nia interese boot produsaun filme nasionalismu nee, tanba hau rasik la eskola konaba acting, maibe gosta tebes konaba filme drama no teatru.” dehan Albino da Silva ba STL iha Uatulete, Sabadu (15/05/2021).

Sakoko hateten, filme neebe halo hamutuk ho joven sira nee, halo nia hanoin fila fali ba memoria pasadu neebe hamutuk ho maun boot sira iha tempu defisil, maibe sira nafatin koko isar bandeira iha tempo neeba.

Nia hatutan, involve aan direita iha filme refere atu hamosu nasionalismu ba jerasaun foun sira atu respeita bandeira nasional no lideransa istoriku sira, nunee nia parte koko aprende hamutuk fali ho joven teatru FILTEDA hodi espresa ho hasulin sentimentu resistensia liu husi filme nee.

Aleinde nee, Albino da silva Kodigu Sakoko mos fo lia menon ba kombatentes sira atu konta mos istoria luta ba artista teatru, produtor no realizador filme sira atu bele hatudu ita nia istoria nee ba jerasaun sira liu husi aprezentasaun teatru no filme.

Iha fatin hanesan, Silvano Rodrigues, nuudar eskritor no realizador filme loron isar bandeira haktuir katak, filme nee atu inspira ema hotu atu fo importansia no partisipa loron nasionais sira hanesan 28 de Novembro, 20 de Maio, 30 de Agusto, nune’e mos loron 12 de Novembro.

“Filme ida nee mosu tamba haree ba grupu aventura juventude neebe oras nee mosu barak los hodi lao lemo iha Timor laran deskobre area turismu Timor, husi ida nee maka hau iha hanoin ida hodi kria istoria filme konaba juventude aventura atu ba dada bandeira iha iha foho matebian maibe lakonsege tanba asidente. Husi asidente nee maka sira hetan katuas kombatente neebe moris iha barak neebe la folin ba nia, istoria hamosu katuas kombatete atu dignifika luta nain sira nia moris no atu fanu joventu sira hodi rona sira nia istoria.” dehan nia.

Silvano haktuir, problema neebe hasoru durante shooting filme maka ho problema pandemia Covid-19, no estudante sira nia tempu laiha atu sai artista iha filme nee, ho ida nee maka film lao too tinan ida.

Filme ho durasaun minute sanulu (10) nee, planu atu loke iha loron 20 de Maio, 28 de Novembro, no bele mos loke iha eventu ka seminar ba juventude sira, bele mos loke iha area rural sira wainhira komemora loron isar bandeira.

Nia hateten, iha ona planu atu loke iha kanal televisaun balun maibe sei buka fundus ba filme nee.*

Reportajen:MJ-1
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun; EP1

STLNEWS.co – Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun • EPISODE 1: Drama Kakaluk Ba Corona https://youtu.be/VQBkF8ES8GE • Mensagen Avo Ramos Horta https://youtu.be/YPnLzaLb43E Ministério...

Odete: Pasiente Kuarentena Tasi-Tolu La Konkorda Desizaun MS Haketak Feto & Mane

DILI, STLNEWS.co - Ministra Saude, Odete Maria Freitas Belo afirma, fatin izolamentu Tasi-tolu, Ministeriu Saude (MS) koko atu izola feto ketak no mane ketak,...

Joven Baucau Komesa Hakribi Violensia

BAUCAU, STLNEWS.co - Kazu sivil neebe mak sempre mosu la sai preokupasaun estabilidade seguransa Munisipiu Baucau nian, tanba joven barak komesa komesa hakribi violensia. Lia...
%d bloggers like this: