BAUKAU, STLNEWS.co – Sarani sira entuaziasmu simu Bispu Baukau, Dom Leandro Maria Alves too iha Bundaran Wailia Baukau.
Sarani sira haksolok basa liman hodi simu Bispu Dom Leandro Maria Alves, neebe durante tinan ida resin sira hein, tanba nee sarani sira husi Dioseze 3 mak hanesan, Dioseze Maliana, Dili no Baukau.
Bispu Eleitu Dom Leandro Maria Alves too fatin iha oras tuku 08.14 dader, akompania husi Bispu Maliana, Dom Norberto do Amaral, Sua Eminencia Dom Virgilio Cardeal do Carmo da Silva, Bispu Darwin (Australia), Dom Charles Gauci Bispu Atambua too iha Waila. Bispu Eleitu simu kedas ho lia dadoli husi sarani Baukau, depois remata kontinua formatura husi Sarani Baukau, akompania Bispu Eleitu Dom Leandro Maria Alves too kaer liman Prezidente Republika Jose Ramos Horta, Reprezentante Santa Se iha Timor Leste, Monsenhor Marco Sprizzi, Prezidente Parlamentu Nasional, Fernanda Lay, Prezidente Tribunal Rekursu, Deolindo do Santos, Visi PM Primeiru Kalbuadi Lay, Visi PM Segundu Mariano Assanami Sabino, Bispu Eleitu nia Inan Maria Santina da Costa Tilman no Aman Graciano Alves.
Formatura akompanha Bispu Eleitu husi bundaran Wailia too iha Igreja Katedral Baukau. Tuir dalan sarani sira basa liman hodi simu Bispu Eleitu Dom Leandro Maria Alves.
Bispu Eleitu too iha resintu Katedral Baukau simu lia dadoli husi sarani Baukau, kontinua dansa tradisional husi sarani Baukau, akompanha muzika, depois tara tais ba Bispu Eleitu Dom Leandro Maria Alves, Sua Eminencia Dom Virgilio Cardeal do Carmo Silva, SDB Bispu Darwin no Bispu Atambua.
(eme/joa)
