Sarani Igreja Parokia Santo Antonio Motael Halao Peregrinasaun Iha Fatubessi

Sarani sira husi igreja Parokia Santo Antonio Motael ho antussiasmu hakat mai iha Santuariu Nossa Senhora Peregrinasaun Fatubessi, hodi hetan iduljensia ba komemorasaun Tinan 80 ezistensia ba Arquidiocese Dili. (Foto: STL)

FATUBESSI, STLNEWS.co – Sarani sira husi igreja Parokia Santo Antonio Motael ho antussiasmu hakat mai iha Santuariu Nossa Senhora Peregrinasaun Fatubessi, hodi hetan iduljensia ba komemorasaun Tinan 80 ezistensia ba Arquidiocese Dili.

Programa Peregrinasaun nee sarani sira husi Motael kompostu husi estasaun lubuk ida hakat mai iha Nossa Senhora Peregrinasaun Fatubessi ho sira nia sakrifisiu rasik, maske akontese udan boot nunee kondisaun estrada ladiak maibe atu manan iduljensia ida idak hakas aan ho sira nia transporte privadu, hanesan motor no kareta ba Fatubessi, Sesta (4/12/2020) iha tuku tolu loraik no balun, foin too iha kalan boot tuku sanulu.

Sakrifisiu atu manan iduljensia husi sarani sira hanesan devosaun moris iha ida-idak nia fe, tanba nee maske situasaun atual iha Fatubessi nakukun tanba laiha naroman elektrisidade kauza husi udan no anin boot semana kotuk lasatan sarani sira husi Motael atu manan iduljensia.

Programa peregrinasaun nee halao dahuluk ho misa eukaristia neebe diriji dahuluk husi Pe. Juvito do Rego ba sarani sira neebe mak too uluk iha Fatubessi hamutuk ho sarani sira husi Fatubessi rasik, no segundu parte misa kontinuasaun ba sarani sira neebe mai tarde tanba kondisaun udan no estrada ba sarani sira mai husi Santo Antonio Motael Dili neebe diriji husi Pe.Mateus Tavares husi Paroquia Bedois.

Liu husi omilia Pe. Mateus Tavares hatete katak Kristu nia domin mak halibur Ita iha Fatin ida nee atu husu ba aman maromak haraik grasa no husu perdaun ba ita idak idak nia salan.

“Ita mai iha fatin ida nee, vizita no mai mos ho objetivu ida atu hetan perdaun ba ita nia sala, liu husi induljensia plenaria. Tanba nee, Arquidiocese Dili komemora Tinan 80 ejistensia Diocese Dili nian, konvida sarani atu ba iha fatin Santo sira nee, atu ita bele konfesa no misa atu manan iduljensia plenaria,” dehan Pe. Mateus liu husi Omilia, Sesta kalan (4/12/2020).

Hafoin misa, kontinua venerasaun husi instituisaun PNTL, depois kontinua venerasaun husi sarani sira husi Parokia Motael nunee fo konfesa iha fatin rua mak hanesan Pe. Juvito do Rego fo konfesa iha Santoriu Nossa Senhora Peregrinasaun no Pe. Mateus Tavares fo konfesa iha kapela nia sorin norte iha ambitu nakukun laran tanba ahi mate kuaze semana ida ona.

Hafoin ida nee, kontinua ho refleksaun neebe diriji diretamente husi Pe. Juvito do Rego no Pe. Mateus Tavares.

Reportajen: Ekipa STL

LEAVE A REPLY

Please enter your comment!
Please enter your name here