SEJD Abertura Treinamentu Arbitrajen Iha Lautém

LAUTEM, STLNEWS.co – Sekretaria Estadu, Juventude, no Desportu (SEJD) Abrão Saldanha, abertura formasaun ba arbitrajen nomos treinador hamutuk tolu nulu (30), husi federasaun atletismu iha Munisipiu Lautém.

Tuir SEJD Abrão Saldanha, programa ida nee governu nian hamutuk ho federasaun atletismu, atu haforsa liu tan modalidade ida nee, liu husi aumenta nia rekursu umanu no tekniku sira.

“Ita agora halo formasaun ba treinador no arbitu iha nivel baze, atu nunee sira bele hahu haboot modalidade iha nivel kraik, presiza konese tekniku sira, oinsa atu forma ema no oinsa atu deskobre, hodi nunee sira bele fila ba postu idak – idak nian, bele halao sira nia atividade no deskobre talentu sira neebe mak foin sae sira iha, ida nee mak objetivu prinisipal husi formasaun nee,” tenik SEJD Abrão Saldanha ba jornalista sira iha edifisiu Administrasaun Munisipiu Lautém, Segunda nee (20/09/2021).

Governante nee dehan, hein katak ho aproveitamentu husi formandu sira, bele kontribui no habelar liu tan baze desportu iha nivel kraik.

“Tinan ida nee ita iha formasaun nivel baze, treinador ho arbitu nee iha modalidade tolu, ida mak atletismu, bola voli (volleyball) no futeból (football), i atletismu ho bola voli nee governu mak finansia, futebol nee federasaun rasik mak finansia, agora sira organiza hela sira nia formasaun, no bola voli servisu hamutuk ho sira nia federasaun, sei organiza formasaun hanesan nee iha munisipu sira, komu limitasaun orsamentu, ita hahu uluk ho munisipiu hitu (7), depois tinan oin kompleta tan munisipiu lima (5),” katak Abrão.

Nia dehan, konaba orsamentu neebe mak apoiu ba federasaun atletismu mill US$ 74, ba bola voli mos mill US$ 74, tanba sira nia formasaun ba ema nee hanesan.

Iha fatin hanesan, Prezidente Federasaun Atletismu Timor Leste, Afraino Xaver hatutan, formasaun ida nee tuir lolos realiza iha semana rua liu ba, maibe tanba Covid-19 nee mak ohin governu prolonga.

“Ita sei halo formasaun no ohin ita halo abertura ba Munisipiu Lautém, iha formasaun nee sei hetan treinador nain sanulu resin lima (15) no arbitu nain sanulu resin lima (15), no formasaun nee sei realiza ba loron 5 iha nee,” katak nia.

Nia hatutan, loron 5 nee sei fahe materia ba peritus sira, neebe mai husi diretor nasional desportu, no husi federasaun balu ba arbitrajen, balu ba treinador, tanba ida nee iha tempu badak sei kanaliza osan liu husi konfederasaun nasional, sei realiza eventu komunitaria ba desportu eskolar, tanba nee importante tebes, ida nee mak fo oportunidade ba formasaun, ba ita nia profesores sira, tanba sira mak sei dirije treinu ba atleta sira ho diak.*

Reportajen: Maria Tavares

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 20 Outubru: Kazu Foun Hamutuk 16

DILI, STLNEWS.co - Ohin loron Sentru Integradu Jestaun Krize (SIJK) rejistu kazu foun hamutuk 16, iha Dili 14 no munisipiu seluk iha nain 2. "Kazu...

Membru F-FDTL Foun Ida Halai Lakon

DILI, STLNEWS.co - Membru foun FALINTIL Forsa Defeza Timor Leste (F-FDTL) ida ohin halai lakon iha sentru formasaun Metinaro tanba la augenta ho instrusaun...

Maromak La Dukur Ba Nia Ema

DILI, STLNEWS.co - Maromak mak iha kbiit tomak sempre akompanha ema hotu iha tempu saida deit no nunka dukur ba ema, tanba ne'e presiza...