SEJD Apoiu Mill US$ 55 Ba Programa Emprendedeorismu Lautém

LAUTÉM, STLNEWS.co – Sekretaria Estadu, Juventude, no Desportu (SEJD), apoiu orsamentu ho montante mill US$ 55 ba programa estimulu emprendedeorismo sosial iha Munisipu Lautém.

Lia Hirak nee hato’o husi SEJD Abrão Saldanha, hafoin halao vizita ba Sentru Juventude Mil, Segunda nee (20/09/2021).

Tuir SEJD katak, objetivu atu mai haree hela sentru juventude nee, hanesan parseriu governu nian, implemtasaun programa sira, liu husi joven, entaun ohin mai iha nee, hodi haree programa atividade sira neebe sentru nee dezenvolve, neebe parseria ho governu ida nee, ita mai iha nee para cek, tau matan hodi haree fila fali superviziona fali atividade sira nee.

Governante nee akresenta, relatoriu husi jestor sentru, ezemplu programa ida ba emprendedeorismo sosial nee, agora dadauk inisiativa joven sira to’o ona ualu nulu (80), sira balu halo ona asesmentu ba inisiativa sira nee, i sira servisu hamutuk ho governu lokal, atu haree no solusiona inisiativa sira nee, governu bele estimula sira mos, agora prepara hela akampamentu ICT nian, sira sei hosting i organiza iha Lautem, ho atividade regular sira  seluk, hanesan edukasaun lian inglés no formasaun sira seluk tan.

“Iha Lautem konaba  programa empreodedirismo, SEJD apoiu mill US$ 55, agora sira sei iha hela faze asesmentu ba inisiativa sira, neebe mak iha,” tenik nia.

Nia dehan, inisiativa iha ona ualu nulu (80), agora sira hanoin katak, ohin koalia para sira bele aumenta tan oportunidade, para ema seluk bele hatama tan sira nia inisiativa iha nivel kompetidade boot, para ida neebe iha susesu nee boot, sira bele hetan.

Iha fatin hanesan, Manejer Programa Sentru Juventude Lautem, Idelfonso Xavier hatete, hasoru malu ho SEJD sira, introduz programa ba futuru nian, i depois lamentasaun sira neebe mak enfrenta durante nee.

“Liu – liu, kuandu ami implementa programa nee to’o iha nivel baze katak, barak liu mak dezafius ba mak transporte, ida nee mak ami aprezenta,  depois ami mos oinsa mak atu promove talentu muzika iha nivel munisipiu” tenik nia.

Nia hatutan, sira mos husu para bele fo apoiu fasilidade muzika, SEJD hatan katak durante nee iha tiha ona apoiu, maibe depois jere ladun efetivu, tanba nee mak durante nee apoiu banda muzika nee laos mai iha sentru, nee ba nivel munisipiu.*

Reportajen: Maria Tavares

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Vasina Pfizer Importante Ba Labarik Sira

DILI, STLNEWS.co – Tuir Ministra Saude Odete Maria Freitas Belo dehan, labarik sira presiza simu vasina Pfizer nee, tanba importante tebes hodi bele prevene moras...

Update Covid-19 TL 27 Outubru: Kazu Pozitivu 7 & Rekuperadu Nain 3

DILI, STLNEWS.co – Ohin loron 27 fulan Outubru tinan 2021, liu husi Centro Integrado Gestão de Crises, Sala Situação (CIGC-SS) rejistu tan kazu konfirmadu...

Estudante ESJ Simu Ona Vasina Pfizer

DILI, STLNEWS.co – Eskola Ensinu Sekundariu Jeral (ESJ) 4 Setembru simu ona vasina Pfizer ba doze primeiru, atu nunee bele halo prevensaun ba Covid-19. Informa...