SEJD Halao Lansamentu Nasional Estimulu Emprendedorizmu Sosial Juventude Suku

AILEU, STLNEWS.co – Sekretáriu Estadu Juventude no Desportu (SEJD) halao lansamentu nasional Estimulu Empreendedorismu Sosiál Juventude Suku mak oportunidade ba dezenvolve kapasidade juventude nian no haboot kapasidade empreendedorismu

“Programa no komitmentu ida neebe mak VIII Governu Konstitusional iha ba joven sira mak atu lori joven sira ba halao atividade produtivu, hodi kontribui ba dezenvolvimentu ekonomika, no kontribui ba prosesu rekoperasaun ekonmika neebe governu halao dadauk iha teritóriu tomak,” hatete Sekretariu Estadu Juventude no Desportu (SEJD), Abrão Saldanha, liu husi diskursu wainhira lansamentu Nasional Estimulu Empreendedorismu Sosial Juventude Suku, iha suku Aisirmou, Postu Administrativu Aileu-Vila, Munisípiu Aileu, Kinta (15/07/2021).

Governante nee hatutan, programa Estimulu Empreendedorismu Sosiál Juventude Suku sei fo espasu ba joven Timor oan sira, atu explora sira nia poténsia no expresa sira nia kapasidade nuudar forsa kreativa ida nesbe bele kontribui ba komunidade no nasaun nia dezenvolvimentu ekonomia no sosiál.

“Vantajen demografika ida neebe Timor-Leste iha mak pur volta 7596 husi ita nia populasaun ho idade menus husi tinan 35. VIII Governu Konstitusional konsiente katak realidade ida-nes oferese potensia no oportunidade boot ba ita nia dezenvolvimentu,” dehan Abrão.

Nia esplika, lansamentu ba programa Estimulu Emprendedorizmu Sosial Juventude Suku, ohin mai husi governu nia rekoñesimentu katak joven sira iha papel importante iha dezenvolvimentu sosio ekonomiku nomos governu nia hakarak.

Iha fatin hanesan, Adjuntu Administrador Munisípiu Aileu, Felix Maria de Oliveira, dehan nia parte apresia tebes ho programa nee hodi bele hakmaan governu lokal hodi melhora diak liu tan juventude potensia.

“Hanesan autoridade lokal ami depozita ami nia konfiansa tomak ba centru juventude sira para sai hanesan akumulador ba juvenutude sira neebe durante nee diskriminadu hela ba prosesu tomak nasaun nian,” informa Felix.

Iha atividade produtivu kompostu husi area agrikultura, asesu ba merkadu, formasaun kona-ba produtividade, dezenvolvimentu no promosaun fatin turistiku no konservasaun meiu-ambiente nee importante.

Entertantu serimonia lansamentu programa nee partisipa husi autoridade lokal Munisipiu Aileu, membru parlamentu, reprezentante PNTL Aileu, nomos Manajer Jeneral Empreendedorismu Sosial Suku nia husi munisípiu 13 inklui RAEOA.*

Reportajen: Jeniche da Costa
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 20 Outubru: Kazu Foun Hamutuk 16

DILI, STLNEWS.co - Ohin loron Sentru Integradu Jestaun Krize (SIJK) rejistu kazu foun hamutuk 16, iha Dili 14 no munisipiu seluk iha nain 2. "Kazu...

Membru F-FDTL Foun Ida Halai Lakon

DILI, STLNEWS.co - Membru foun FALINTIL Forsa Defeza Timor Leste (F-FDTL) ida ohin halai lakon iha sentru formasaun Metinaro tanba la augenta ho instrusaun...

Maromak La Dukur Ba Nia Ema

DILI, STLNEWS.co - Maromak mak iha kbiit tomak sempre akompanha ema hotu iha tempu saida deit no nunka dukur ba ema, tanba ne'e presiza...