RAILAKO, STLNEWS.co – Sarani Parokia São Jose Aimutin hamutuk ho sarani Komoro, liu-liu Bairru Santo Antonio Moris Foun C halo prosisaun husi Parokia Aimutin ba Parokia Nosa Senhora de Fatima Railako, hodi komemora loron Divina Mizerikordia.
Liu husi intervista Amu Paroku São Jose Aimutin, Emanuel Lelo Talok hateten, sarani parokia Aimutin hamutuk ho sarani moris foun, halo prosesaun husi Dili mai Railako hodi selebra misa Domingu paskua ba dala rua, Divina Mizerikordia hamutuk ho sarani sira iha parokia Nossa Senhora Fatima Railako, liu husi misa nee atu fahe domin ba malu, tuir Divina Mizerikordia nian no atu hametin liu tan amizade entre parokia rua nee.
“Ami sarani parokia Aimutin ho Bairru Moris Foun C, hakarak mai selebra misa Domingu hamutuk ho sarani Railako, hodi hametin liu tan konsiensia Divina Mizerikordia nian, se ita hetan ona domin boot husi nia, mak ho laran luak ita tenki hafahe tutan ba maluk sira, tan nee ami kolabora hamutuk ho Amu Parokia Railako, oinsa bele fasilita ami mai misa hamutuk iha nee,” dehan Amo Parokia São Jose Aimutin, Emanuel Lelo Talok ba STL Domingu (24/04/2022) iha Railako.
Nia afirma liu tan, husu ba sarani sira atu simu Nai Jesus nia moris hias, nudar tempu ida atu hadia ita nia moris, tanba liafuan Mizerikordia hanesan Maromak neebe hakiak no fo moris husi nia moris hias husi mate.
Kontinua ba pajina 2
