SEPS Realiza Sosializasaun Lei Protesaun Sivil

BAUCAU, STLNEWS.co – Sekretariu Estadu Protesaun Sivil (SEPS), realiza asaun sosializasaun lei protesaun sivil iha munisipiu Baucau.

Hahu horIseik Sekretariu Estadu Protesaun Sivil (SEPS), halao sosializasaun lei protesaun sivil nian husi parte leste, munisipiu Lautem, no Viqueque.

Objetivu husi asaun sosializasaun lei protesaun sivil nee prezisa duni sosializa iha munisipiu sira, atu nunee bele hatene intende diak konteudu husi lei nee rasik atu implenta iha futuru.

“Lei nee lei protesaun sivil nian hanesan ita hatene iha seguransa nasional pilar tolu mak tenke ser kompleta, seguransa interna, seguransa esterna no mos protesaun sivil,” dehan SEPS, Joaquim Jose Gusmão dos Reis Martins ba jornalista, wainhira realiza asaun sosializasaun lei protesaun sivil iha salaun Sentru Konvensaun Baucau Vila Antiga, Tersa (27/07/2021).

Nia hatutan, dadaun nee protesaun sivil kompleta pilar III ona seguransa interna hamutuk ho Polisia Nasional Timor Leste (PNTL) no seguransa esterna Falntil – Forsa Defeza Timor Leste (F-FDTL), neebe promulga husi Prezidente.

Lei ba protesaun sivil hamutuk artigu lima nulu resin sia (59), iha lei nee rasik esplika liu konaba situasaun alerta, emergensia no kalamidade ho kompetensia neebe mak protesaun sivil iha atu deklara situsaun sira neebe akontese iha artigu protesaun sivil nian.

Sekretaria Estadu Protesaun Sivil nee kontente tebes tanba numeru partisipasaun boot tebes, husi nee partisipante sira bele intende diak konaba lei protesaun sivil nian no oinsa mak bele implementa iha futuru wainhira implementa ona iha munisipiu.

Lei ba protesaun sivil promulga husi Prezidente Republika iha loron 30 fulan Novembru tinan 2020, liu fulan ida tama ba fulan Janeiru tinan 2021 entrada ein vigora.

Iha fatin hanesan, Prezidente Autoridade Munisipiu Baucau, Olivio Freitas hatete, nuudar autoridade munisipiu kontente tebes ho asaun sosializasaun lei protesaun sivil nee, tanba iha komunidade barak mak sei presiza lei protesaun nee rasik, tanba uluk liu halao ona, maibe la bazeia ba lei, maibe lei dadaun aprovadu ona, Prezidente promulga ona, no liu husi sosializasaun nee halo ema hotu bele hatene saida mak merese wainhira hetan susar.

Lei protesaun sivil nee mos importante ida, nunee presiza halo sosializasaun atu ema neebe iha instituisaun laran halo ba sira, saida mak sira merese nuudar direitu atu proteje liu husi lei nee.

“Lei nee importante i lei para sosializa ema hotu hotu hatene saida mak ita sira instituisaun laran halo ba sira, saida mak sira merese nuudar sira nia direitu atu proteje sira liu husi lei nee,” katak Olivio.*

Reportajen: MJ-1
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 20 Outubru: Kazu Foun Hamutuk 16

DILI, STLNEWS.co - Ohin loron Sentru Integradu Jestaun Krize (SIJK) rejistu kazu foun hamutuk 16, iha Dili 14 no munisipiu seluk iha nain 2. "Kazu...

Membru F-FDTL Foun Ida Halai Lakon

DILI, STLNEWS.co - Membru foun FALINTIL Forsa Defeza Timor Leste (F-FDTL) ida ohin halai lakon iha sentru formasaun Metinaro tanba la augenta ho instrusaun...

Maromak La Dukur Ba Nia Ema

DILI, STLNEWS.co - Maromak mak iha kbiit tomak sempre akompanha ema hotu iha tempu saida deit no nunka dukur ba ema, tanba ne'e presiza...