BAUKAU, STLNEWS.co – Servisu Munisipal Agua no Saneamentu (SMAS) agora daudaun hasoru hela difikuldade, tanba menus rekursu umanu.
Preokupasaun nee hatoo husi Diretuor Interinu Servisu Munisipal Agua Seneamentu (SMAS), Baukau, Marcelino Ferreira ba STL liu husi tefone iha Baukau, Kinta nee (17/08/2023).
Nia dehan, kada munisipiu iha fasilitador Postu Administrativu kada postu iha, maibe Baguia mak seidauk fasilita Postu Administrador, tanba bazeia ba dekretu lei numeru 41/2020 iha neeba kestiona, depois reforma instituisional husi Diresaun Jeral Agua Seaneamentu ba tiha BTL,EP, entaun iha nee mudansa boot tebes, tanba ema hotu husu lisensa sem vensementu ba hotu kedas iha BTL.
“Ami nia fasilitador iha postu sira neebe hakarak ba hotu BTL, entaun rekursu umanu menus. Iha tinan kotuk Baukau mos mamuk, maibe tinan 2023 iha kolega ida bele husi BTL fila mai, agora asegura iha Baukau Vila no Postu Administrativu Baguia sei mamuk,” dehan nia.
Prinsipal tebes ba SMAS bazeia ba dekretu Lei 41/2020 entrega tiha husi Diresaun Jeral Agua Seneamentu ba tiha BTL,EP iha nee ninia impaktu boot ba kedas SMAS.
Tanba edifisiu neebe utiliza pertense hotu ba BTL, eskitoriu hanesan armariu, komputador, printer hotu ba sira mobiliariu, mos hanesan i kareta armajen ekipamentu neebe halo kanalizaun sira nee hotu partensia hotu ba sira, ida nee mak fo presaun negativu boot tebes ba SMAS.
Nia impaktu boot tebes, tanba maluk sira neebe akompanha iha SMAS nee sira uluk iha Baukau laran iha area urbana halo operasaun manutensaun. Ezemplu uluk loke taka bee, tanba nee rekursu umanu difisil tebes para asesu servisu iha Munisipiu Baukau laran.
Nia relata, husi eskritoriu nian agora daudaun laiha printer, foto kopia mos laiha, iha deit mak leptop ho destop rua, maibe printer ho foto kopia sira oras nee daudaun utuliza nee esforsu rasik tau iha nee, bainhira diresaun atu ajuda la hatene, maibe uza fasilidade rasik hodi halo atendimentu ba komunidade liu-liu ba SMAS Munisipiu Baukau nian.
“Rekursu umanu ba SMAS problema boot, tanba hau mesak deit, dala ruma iha terunu mak presiza ami nia prezensa edifisiu hau tenki husik hela atu halo kontrolu buat ruma iha neeba hetan despasiu ruma ba tuir treinamentu semana ou fulan ida, diresaun hau tenki husik mamuk hela, tanba laiha ema atu asegura hela,” hatete nia.
Tanba nee, Administrasaun mak asegura hela, dala ruma FPH sira neebe konhesimentu oituan nee mak asegura hela diresaun, tanba diresaun nee problema boot tebes iha Munisipiu Baukau laran.
(joa)
