Sidadaun 198 Iha Izolamentu Ginaziu Baucau, Reintegra Ona Ba Munisipiu

BAUCAU, STLNEWS.co – Sidadaun Timoroan nain 198 neebe deporta husi nasaun vizinus Indonezia iha loron 21 fulan Agostu tinan nee, hodi kumpre regras izolamentu iha Ginaziu Baucau durante loron 24, ohin loron 14 fulan Setembru tinan 2021, reintegra hikas ba idak – idak nia munisipiu, enkuantu husi total 198, nain 1 halai lakon uluk.

Liu hirak nee hato’o husi Komandante Komando Polisia Nasional Timor Leste (PNTL) Munisipiu Baucau, Xefe Superintendente Armando Monteiro ba jornalista iha salaun Ginaziu Baucau, Tersa loraik (14/09/2021).

Nia hatete, desizaun kolektivu neebe husi Sentru Integradu Jestaun Krize (SIJK) Nasional no nivel munisipal hodi reintegra sidadaun hirak nee ba idak – idak nia munisipiu.

Iha biban nee, komandante husu ba sidadaun hirak nee, ba fali iha idak – idak nia munisipiu lalika kria problema no provoka situasaun, maibe koopera nafatin ba autoridade lokal no seguransa sira neebe mak estabelese iha munisipiu refere.

Iha fatin hanesan, Segundu Adjunto Estadu Maior Koordenador Marcos Siqueira mos husu ba graduadu husi arte marsiais Persaudaraan Setia Hati Terate (PSHT), uza forsa hodi ajuda ema neebe mak forsa laiha no kbiit laek sira, bele mos organiza malu ba halo toos no natar hadia ekonomia uma laran, laos mak ba fila fali buka problema hodi buka tuku malu baku malu.

“Lalika hanoin ida nee, ita Timor oan deit,” tenik nia.

Marcos mos sente triste oituan, tanba husi total sidadaun neebe mak lori ba kumpre regras izolamentu iha Ginaziu Munisipiu Baucau nain ida tenta halai lakon.

Nia haktuir, doutrina arte marsial PSHT dehan, ida terus hotu – hotu terus hamutuk, maibe foin graduasaun deit labele terus hamutuk iha fatin ida, maibe 1 halai uluk ona.*

Reportajen: Tomas Reis

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL Setembru: Kazu Pozitivu 32 & Rekuperadu 83

DILI, STLNEWS.co - Sentru Integradu Jestaun Krize (SIJK) ohin relata kazu pozitivu iha ema nain 32 no rekuperadu hamutuk 117. "Kazu detetadu foun neebe relata ohin loron...

MTKI Loke Kompetisaun Pintura

DILI, STLNEWS.co - Ministeriu Turizmu Komersiu no Industria (MTKI), liu husi Diresaun Nasional Emprendismo ba Atividade Produtus Turistiku organiza kompetisaun pintura ba joven sira. Grupu...

Remata Nia Misaun Iha TL, Sitorus Despedida Ho WNI

DILI, STLNEWS.co – Embaixador Indonezia ba Timor Leste (TL), Sahat Sitorus ho nia espoza Bintang Vera C. Sitanggang, neebe durante tinan 4 ho balun...
%d bloggers like this: