Sidadaun 2 Kanek Todan, Motor Ahi Han

BAUCAU, STLNEWS.co – Iha loron 06 fulan Setembru tinan nee, anin boot iha Postu Adminisitrativu Laga halo akadiru hun tohar, rezulta sidadaun nain rua kanek todan, enkuantu motor ahi han too motuk.

Lia hirak nee hato’o husi Komandante Komando Polisia Nasional Timor Leste (PNTL) Munisipiu Baucau, Superintendente Armando iha Laga ba STL iha nia knaar fatin, Tersa nee (07/09/2021).

Armando konta hikas tuir kronolojia katak, iha loron 6 fulan Setembru tinan 2021 maizoumenus tuku 02:00 lokraik, sidadaun nain rua husi diresaun Aldeia Bulubai, Suku Teki-nomata, Postu Administrativu Laga, Munisipiu Baucau hetan asidente iha area BT-Akam Laga.

Objetivu viajen sidadaun nain rua nee atu husu ajuda ba kompania Simona neebe lokaliza iha BT-Akam Laga, atu solda makina neebe mak sidadaun nee iha, maibe la konsege to’o fatin refere hetan asidente iha dalan.

Akontese nee kauza husi anin bo’ot akadiru hu’un tohar hodi hanehan sidadaun nain rua nee, rezulta sidadaun nain rua hetan kanek todan.

“Akontesimentu ida nee vitima nain rua kanek todan no motorizada neebe mak konduz estragus total, tanba ahi han tiha,” dehan komadante PNTL nee.

Nia hatutan, depois de akontesimentu, komunidade sira neebe mak servisu iha kompania Simona halo kontaktu ho Polisia Eskuadra Laga hodi asegura lokal ba insidente nee, evakua kedas vitima nain rua ba Hospital Regional Eduardo Ximenes (HoREX) Baucau hodi hetan tratamentu.

Komadante nee hatete, husi akontese nee kedas iha tempu loraik sesaun Polisia Tranzitu Munisipiu Baucau halo komunikasaun ho Polisia Eskuadra Laga to’o kedas Hospital Regional Eduardo Ximenes (HoREX) Baucau hodi foti informasaun relasiona ho insidente nee.

Sidadaun nain rua nee ho inisial FBX idade 58 no GBC idade 18, enkuantu  motor neebe mak sidadaun nain rua nee utiliza marka Honda Win sapa matrikula A.4816.

Iha parte seluk tuir informasaun neebe STL hetan iha Hospita HoREX Baucau katak, sidadaun nain rua nee transfere ona ba Dili hodi kontinua hetan tratamentu iha Hospital Nasiona Guido Valadares (HNGV).*

Reportajen: Tomas Reis

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 23 Setembru: Kazu Pozitivu 58, Rekuperadu 148 & Obitu 1

DILI, STLNEWS.co – Sentru Integradu Jestaun Krize (SIJK) ohin relata kazu pozitivu iha ema nain 58, i kazu rekuperadu ohin loron 148 no obitu nain...

Vasinasaun Dalan Seguru, Normaliza Situasaun

DILI, STLNEWS.co – Vasinasaun mak dalan seguru hodi normaliza situasaun, no hasae imunidade forte atu prevene Covid-19. Kestaun nee haktuir husi Ministru Ensinu Superior Siensia...

Finalista ICS 292 Simu Graduasaun

DILI, STLNEWS.co – Institutu Ciencia Saude (ICS), ohin halao graduasaun ba finalista hamutuk 292, kompostu husi fakuldade 4 mak hanesan, Fakuldade Enfarmajen, Farmasia, Parteira...
%d bloggers like this: