NITIBE, STLNEWS.co – Lider Karismatiku Kay Rala Xanana Gusmão preokupa liu konaba moras COVID-19, tanba ne’e, nia lao haleo Timor Leste laran tomak liu-liu iha Oecusse ne’ebé haleo ho fronteira ho província NTT-Indonezia.
“Hau hatete hanesan ne’e tanba realidade iha loron Domingu (23/8/2020) lokraik tuku 5, sidadaun Indonezia ida tama ilegal iha Oecusse liu husi mota Kinloki hatudu katak sidadaun iha fronteira sempre tama sai fronteira atu lori moras Covid hadaet iha Timor Leste,” dehan Xanana bainhira lori misaun COVID-19 iha Postu Tuan Nitibe, Suku Usi Taku lokraik.
Iha loron Segunda Lokraik (24/08/2020), Xanana simu tan informasaun husi UPF katak foin kaer tan ema ida iha oras 16:43, iha fronteira Oel-kaem ho idade 62.
Reportajen: Joseph Koa
Editor: Ekipa STL
