Situasaun Jeral Oecusse Lao Normal

DILI, STLNEWS.co – Observasaun jeral pontu vokal ONG FONGTIL, iha Rejiaun Administrativu Espesial Oecusse Ambeno (RAEOA) lao normal.

“Tuir ami nia observasaun iha terenu iha munisipiu RAEOA iha fulan hirak nia laran iha tinan 2021, mak husi parte vokal FONGTIL Oecusse hakarak relata informasaun ba publiku, bazea ba rezultadu monitorizasaun liga ho situasaun pandemia Covid-19 iha RAEOA lao normal.” tenik pontu vokal FONGTIL Oecusse, Martinho do Santos ba jornalista sira liu husi video konferensia iha salaun FONGTIL, Caicoli-Dili, Kuarta (03/03/2021).

Martinho afirma, situasaun en jeral ba moras pandemia Covid-19 iha RAEOA lao normal i konaba oinsa atu kumpri regras estadu emerjensia ba utilizasaun maskra, distansia fiziku, fase liman ho sabaun bebeik.

Liga ba parte seguransa iha munisipiu refere, movimentasaun husi postu administrativu mai rejional lao ho normal no hetan kontrolasaun husi Polisia Nasional Timor Leste (PNTL).

Aleinde nee, ligadu ho utilizasaun maskra no balde ho bee atu fase liman ho sabaun, bazeia ba rezultadu monitorizasaun iha kada eskola iha Oecusse katak eskola sira estudantes balun iha ona konsiensia atu utiliza maskra no balun seidauk iha konsiensia atu uza maskra, mesmu maskra iha, maibe komunidade rasik lakohi kumpri sanitariu husi MS no OMS. Konaba distansia fiziku mos, susar tebes ba estudante sira atu kumpri regras estadu emerjensia nia.

“Tuir ami nia monitorizasaun neebe mak sosiadade sivil iha RAEOA, hatudu katak iha fatin publiku hanesan merkadu Numbei Cisse Vila no merkadu Maumate Baqui, komunidade sira la kumpri regras estadu emerjensia husi MS no OMS nian, konaba oinsa atu utiliza maskra, distansia fiziku no fase liman ho sabaun” tenik nia.

Dadauk nee numeru ba pesoas kuarentena sira hamutuk ema nain 19 iha Otel Oe-upu, Numeru kazu baixa iha izolamentu laiha (0), no numeru rekoopera ona konfirmadu no provavel ema nain 4, numeru konfirmadu foun 0.

Reportajen: Maria Tavares
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Kondutor Kestiona Ema Menus Sosa Rai Henek

DILI, STLNEWS.co - Kondutor hirak neebe lori kareta baskulante, neebe iha area Fomentu, sira kestiona kada loron ema sosa rai henek menus hela deit. "Kada...

Krime VD No Kontra Bandu Aas Iha TDS

DILI, STLNEWS.co - Tribunal Distrital Suai, rejistu krime neebe kada loron julga barak liu maka krime violensia domestika (VD) ho forma ofensa integridade fisika...

Konfinamentu Domisiliariu, Misa Kontinua Suspende

DILI, STLNEWS.co - Reuniaun Konsellu Ministru neebe mak foin lalais deside atu hanaruk konfinamentu domisiliariu, nunee husi Arquidiocese Metropolitana Dili Dom Virgilio Do Carmo...
%d bloggers like this: