BAUKAU, STLNEWS.co – Suara Timor Lorosae (STL) halo monitorizasaun ba distribuisaun Jornal mai Munisipiu Baukau ho Munisipiu Vikeke lao ho normal.
Programa nee servisu hamutuk ho IX Governu liu husi Sekretariu Estadu Komunikasaun Sosial, distribuisaun jornal ba Programa Fortalesimentu Meu Komunikasaun Sosial.
Entaun, SEKOMS halo kontratu ho media imprimi 5 mak hanesan Jornal STL, Jornal Diariu Nasional, Jornal Indepedente, Jornal Dili Post hodi distribui jornal ba iha munisipiu teritoriu Timor laran, inklui munisipiu Baukau ho Vikeke
SEKOMS halo kontratu ho media imprimi 5, ho nunee media ida fo sira nia jornal 184 ezemplar hodi fahe ba iha munisipiu hotu iha Timor laran tomak inklui.
Tuir observasaun STL haree iha terenu katak, jornal husi media imprimi 5 nee iha duni Autoridade Munisipiu Baukau nia fatin, hodi distribui ba dirasaun sira hamutuk 19 nee tama iha Autoridade Munisipiu Baukau. Depois mai iha Administrador Munisipiu Vikeke nee dirasaun iha 11 no inklui dirasaun sira neebe mak tutela iha Administrasaun Vikeke nia okos nee iha 8, entaun total dirasaun hamutuk 19.
Ohin parte STL mai halo monitorizasun ba jornal nee, parte husi Autoridade Munisipiu Baukau ho Administrador Munisipiu Vikeke simu STL ho diak. No sira mos fo apresiasaun ba media STL.
Tuir observasaun STL haree katak, Prezidente Autoridade Munisipiu Baukau laiha fatin, tanba Prezidente Autoridade Munisipiu Baukau okupadu ho atividade seluk, depois mai iha munisipiu Vikeke mos Administrador Munisipiu Vikeke laiha fatin, tanba iha atividade seluk, sira presiza atende.
STL koko atu halo intevista ho diretor ho xefi departamentu sira iha munisipiu rua nee, maibe sira labele fo komentariu tanba laiha autorizasaun husi Prezidente Autoridade Munisipiu ho Administrator Munisipiu.
Entertantu, tuir observasaun STL haree katak, servisu iha Administrador Munisipiu Vikeke lao ho diak, funsionariu hotu iha munisipiu atende ekipa media STL ho diak.
Iha Administrador Munisipiu Vikeke, jornal husi media imprimi 5 nee tama hotu ona iha sira nia fatin, no jornal nee fahe mos ba iha dirasaun 11, inklui ba dirasaun 8 neebe mak tutela iha Administrador Munisipiu nia okos nee total dirasaun hamutuk 19, iha Munisipiu Vikeke.
Parte husi administrador Munisipiu Vikeke apresia tebes hodi servisu hamutuk ho media sira, tanba jornal husi media imprimi lima nee bele too iha sira nia fatin, no sira nia dirasaun, para sira bele haree no akompania situasaun rill iha rai laran.
Estrada dirasaun hahu husi Asalaitula mai too iha Viqueque Vila, kondisaun ladiak, tanba dalan iha parte Lugatoi ameasa kotu, hodi nunee fo impaktu ba populasaun sira atu asesu ba iha fasilidade saude, no instituisaun publiku sira seluk.
(nat)
