Suku 4 Iha Munsipiu Aileu Seidauk Asesu Eletrisidade

DILI, STLNEWS.co – To’o oras nee suku 4 iha Munisipiu Aileu, kompostu husi aldeia 31 seidauk asesu eletrisidade, tanba nee sente hanesan diskriminasaun ba populasaun.

Informa Administrador Munisipiu Aileu, Abel da Conceição katak, konaba eletrisidade nee iha komunidade balun asesu ona, maibe balun seidauk.

“Ita iha Aileu total suku 33, husi total nee iha suku 4, neebe kompostu husi aldeia 31 mak seidauk asesu eletrisidade,” katak Administrador Munisipiu Aileu, Abel da Conceição ba STL, Kinta nee (20/01/2022) liu husi telefone.

Nia dehan, iha tinan kotuk iha suku ida tama iha planu, agora iha faze aprovizionamentu EDTL nasional halo hela, nia parte ba konfirma kedas ho Prezidente EDTL konaba kompromisu estadu katak tinan 2022 to’o 2023, mandatu VIII governu remata, suku sira neebe seidauk asesu eletrisidade, governu sei kompleta.

Entretantu, deputadu husi Bankada KHUNTO, Olinda Guterres hatete, husu governu atu toma atensaun ba komunidade sira neebe seidauk asesu eletrisidade. Tanba orsamentu neebe aprova iha PN kada tinan atu hakarak povu moris diak.

(gui)

LEAVE A REPLY

Please enter your comment!
Please enter your name here

NEWS UPDATE

Konvidadu Hahu Tama Iha Fatin Serimonia

DILI, STLNEWS.co - Konvidadu sira hahu tama dadauk ona iha fatin serimonia investidura tomada de pose ba Prezidente Republika eleitu Jose Ramos Horta. Bainaka sira...

Prezidente Joko Widodo Hatoo Parabens Ba Ramos Horta

DILI, STLNEWS.co - Ministru Koordenador Asuntu Politika, Legal, no Seguransa Indonezia (Menko Polhukam), Mahfud M. D. hasoru malu ho Prezidente eleitu Dr. Jose Ramos...

Governador Jeral Australia Kontenti vizita Timor Leste

DILI, STLNEWS.co - Governador Jeral Australia, David Hurley haksolok vizita Timor Leste hodi partisipa serimonia tomada de pose prezidente eleitu Jose Ramos Horta, no...