Tama Ilegal, UPF Kaptura Feto Rua

Kuda Hali - Lider Karismatiku Kay Rala Xanana Gusmão kuda hela hali hun ida hanesan simbolu domin ba Povu Aldeia Saben, Suku Bobometo, Postu Administrativu Oesilo, Munisipiu Oecusse, sai hanesan lembransa liman fatin Xanana nian ne'ebé foin primeira vez lider nasaun vizita sira ho misaun COVID-19, Kuarta (19/8/2020). (Photo: STL News/Joseph Koa)

OESILO, STLNEWS.co – Lider Karismatiku Kay Rala Xanana Gusmão iha misaun karitativa ba COVID-19, halo asaun karidade iha Aldeia Saben, Suku Bobometo Oesilo fo parabens ba Unidade Polisia Fronteira (UPF), tanba konsege kaptura feto Timor oan nain rua tama illegal liu husi lina fronteira Haukolo Oesilo, tama ba Oecusse husi nasaun vizinu Kefamenanu, Indonezia.

Informasaun hirak nee hato’o husi Xanana Gusmão, iha sosializasaun ba misaun Covid-19, Kuarta (19/8/2020).

“Hau fo parabens ba Seguransa UPF, tanba foin mak kaptura sidadaun Timor oan nain rua husi Kefamenanu tama mai Oecusse, liu husi fronteira Oesilo Oecusse no oras ne’e dadaun parte UPF lori ona ba iha fatin kuarantena ne’ebé mak prepara husi Ministeriu Saúde,” dehan nia.

Iha sosializasaun ne’e, Lider Karismatiku ne’e husu ba populasaun tomak iha Oecusse, liu liu sira ne’ebé hela iha lina fronteira atu labele hakat tama sai liu husi dalan ilegal tanba moras ne’e laos hanesan dengue ne’ebé lahadaet ida. Corona ne’e hadaet liu ema ba ema wainhira halo interaksaun direta.

Xanana haktuir tan katak “jalan tikus iha Timor ne’e, juara dunia tanba ne’e, ohin hau mai Oecusse, atu fo hanoin ba imi konaba moras Covid. Ita Timor ne’e ulun fatuk toos. Ezemplu joven ida sempre tama sai husi jalan tikus, lori sasan husi ne’eba hadaet ona moras ida ne’ebé perigu tebes ba nia aan, familia nomos ba ema barak tebes iha ninia bairo, aldeia, suku no nasaun, ida ne’e tanba nia sempre tama sai liu husi fronteira. Ema hanesan ne’e tenke kaer lori ba kuarantena, no ema ne’ebé subar nia ne’e tenke lori ba kumarka, tanba husi nia hahalok bele halo mate ema hotu iha Oecusse tanba Covid. Ida nee hau fo ezemplu para ema hotu hotu bele preokupa tanba problema moras Corona ne’e ba ita nia vida, tanba ne’e hau mai Oecusse hodi esplika”.

Kontinua ba pagina 2

LEAVE A REPLY

Please enter your comment!
Please enter your name here