TDB Prosesu Pendente Krime 463 & Sivil 244

DILI, STLNEWS.co – Relasiona ho serka sanitaria iha Munisipiu Baucau, halo prosesu pendente kontinua aumenta iha Tribunal Distrital Baucau (TDB).

“Ho situasaun serka sanitaria prosesu pendente laos hamenus, maibe aumenta. Iha nee prosesu pendente husi krime nian hamutuk 463, no pendente husi sivil nian hamutuk 244,” dehan Juiza Administradora Tribunal Distrital Baucau, Jumiaty Freitas ba STL liu husi via telefone, Segunda (31/05/2021).

Nia hatutan, ho serka sanitaria nee, araska tebes maka prosesu sira iha foho, ofisial sira ba halo notifikasaun ema esimu, maibe iha Municipiu Viqueque no Lospalos prosesu la lao, ema labele desloka mai, tanba transporte publiku la halai, no ida fali ema tenke halo karta autorizasaun swab, tanba nee araska ba sira atu halo deslokasaun mai.

No prosesu sira neebe iha Lospalos, Viqueque no Manatuto lao la hanesan uluk, maske husi tribunal lori hela notifikasaun ba, maibe ema intervinente sira maka labele desloka mai Tribunal Baucau.

Nia esplika tan, iha Municipiu Baucau sira bele asesu, maske transporte publiku la halai sira bele lao mai. Tanba nee kauza husi serka sanitaria nee, prosesu pendente laos hamenus, maibe aumenta ho situasaun ida nee.

Iha fatin ketak, Akdemika UNTL Romerio Maria dehan, serka sanitaria nee laos afeta deit ba iha servisu tribunal, maibe afeita mos ba iha servisu seluk.

“Ita haree realidade hatudu ona, laos afeita deit ba iha servisu tribunal, maibe afeita mos ba iha servisu seluk, tanba ema labele lao ba mai,” dehan nia.

Akademika nee afirma, ho transporte publiku neebe labele halo movimentu ba mai, prejudika tebes populasaun sira atu la ba mai. Tanba balu la iha transporte, no balu paniku ho regra sira neebe iha, entaun halo sira labele lao ba mai.

Reportajen: Terezinha de Deus
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

MAP – FAO Identifika Suku 3 Afetadu Malnutrisaun

DILI, STLNEWS.co - Ministeriu Agrikultura e Peskas (MAP) servisu hamutuk ho Food and Agriculture Organization of the United Nations (FAO), nomos ministeriu relevante identifika...

Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun; EP2

STLNEWS.co – Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun • EPISODE 2: Drama Stop Bullying https://youtu.be/GDfSwKsB-gQ • PSA Vasina https://youtu.be/YnwLmcGBFOs Ministério dos Assuntos Parlamentares...

Ezekusaun Orsamentu Ajensia TIC Atinji 25%

DILI, STLNEWS.co - Diretor Ezekutivu Ajensia Teknolojia Informasaun no Komunikasaun (IP-TIC), Roberto Caetano aprezenta relatoriu ezekusaun orsamentu ajensia nian ba Primeiru Ministru Taur Matan...
%d bloggers like this: