Udan Difikulta Movimentu Transporte Dili – Aileu

AILEU, STLNEWS.co – Estrada diresaun Dili ba Aileu, difikulta tebes transporte publiku no privada iha tempu udan, tanba estrada nakonu ho tahu halo rai namdoras.

Bernardo Mesquita, bombeirus husi Aileu ba STL Tersa nee (16/11/2021), hatete estrada husi Dili mai bee tiris ka air terjun tempu udan nee difikulta tebes movimentu transporte publiku.

“Estrada nee dezde tinan barak ona kondisaun hanesan nee, tempu udan mai entau bee tuun husi foho leten sira tuun mai sobu estrada, no valeta sira bele lori mos fatuk sira halo rai kuak tan, difikulta transporte entaun halo motor no kareta labele halo movimentu,” dehan nia.

Bombeirus nee mos rekomenda ba estadu atu tau atensaun ba iha estrada Dili mai iha bee tiris ka air terjun ba Aileu tanba estrada grave tebes.

“Ami rekomenda ba estadu oinsa estadu tau atensaun tomak ba iha estrada, tanba husi estrada mak ita bele hadia ita nia dezenvolvimentu, se estrada aat hanesan nee kuitadu, tanba nee mak husu ba Governu haree mos estrada aat hanesan nee,” katak nia.

Nunee mos kondutor Angelmo Martins Lopes hatutan, sente triste tanba bainhira udan difikulta sira nia movimentu tanba estrada kuak ba mai no halo rai namdoras, tanba nee nia husu Governu liu husi ministeriu relevante atu hadia estrada husi Dili ba Aileu.

“Husu Governu hadia tiha estrada nee ba, tanba udan susar, ” dehan nia.

Tuir observasaun jornalista STL, nota katak estrada diresaun husi Dili parte Mota Ulun ba air terjun dalan publiku ba Munisipiu Aileu tempu udan difikulta tebes movimentu, tanba nee obriga transporte sira publiku no privadu lao ain too hetan estrada diak mak sae fali kareta, no kareta balun labele sae tenke dada husi kareta seluk.

(eme)

LEAVE A REPLY

Please enter your comment!
Please enter your name here

NEWS UPDATE

Analfabetu Oan Sai Doutoramentu

DILI, STLNEWS.co – Maluk letores sira, serimonia Solene Graduasaun Dili Institute of Technology (DIT) ba dala XIV periodu tinan 2021, konvida ita atu konese...

Dr. Peregrinus D. Siga Taa, M. Eng: Kualidade Servisu Infrastrutura Publiku Fraku

DILI, STLNEWS.co – Dekanu Fakuldade Enjeñaria no Siensia Dili Institute of Technology (DIT), Dr. Peregrinus D. Siga Taa, M.Eng, hatete, kualidade servisu infrastrutura publiku sei...

DIT Gradua Finalista 543 Inklui MBA Nain 6

DILI, STLNEWS.co – Dili Institute of Tecnhology (DIT) Segunda nee (29/11/2021) halao serimonia graduasaun ba dala XIV periodu tinan 2021, ho graduadus hamutuk ema...