Tenke Fo Atensaun Covid-19 Ba Izolamentu

BAUCAU, STLNEWS.co – Padre Manuel Ximenes, SDB husu ba governante sira katak, moras Covid-19 mak ba fatin izolamentu, maibe bolu asintomatiku deit, governu tenke fo atensaun husik ida idak prevene aan rasik.

Informasaun nee hatoo husi Vigáriu Episcopal Asuntu Religioso Diocese Baucau, Padre Manuel Ximenes, SDB ba STL iha nia knaar fatin Katedral Villa Antiga, Baucau, Segunda (17/05/2021).

“Dalan neebe diak mak identifika didiak moras sira nee, moras sira neebe los duni Covid-19, ida nee mak ita tau iha fatin izolamentu, ita Timor iha isin manas, ita nia mear inus metin neebe bolu dehan asintomatiku sira nee, governu fo atensaun deit husik hela sira i oinsa sira rasik tenke prevene mos sira nia aan, tanba agora povu tauk atu mai konsulta, tanba halo sira sai truma, ita lakon ona konfiansa husi ita nia povu, tanba sira mai hateten sira nia moras hotu hotu mai duun ba covid, entaun ita tenke hadia sistema nee,” dehan nia.

Padre Manuel hateten, governu hadia sistema oinsa bele kombate Covid-19, agora dadaun povu komesa lakon ona konfiansa tamba sente tauk no paniku.

Nee duni halo sosializa didiak ba ema hirak neebe hatudu deit sintomatiku, prevene iha fatin deit la presiza ba izolamentu, tanba ba izolamentu mos la hemu aimoruk ba dansa no halo dahur fali.

Nia hateten, governu tenke husik ema livre lalika implementa hela deit serka sanitaria, tanba dala ruma covid la oho ema maibe serka sanitaria bele oho ema, nauk malu no bele estraga malu.

Nia hatutan, governu tenke responsabilidade ba situasaun ida agora nee, tanba agora governu seidauk halo kombate lolos ba situasaun Covid-19 iha Timor, tanba povu barak mak uluk terus ba indepedensia, nee duni ba oin governu tenke hadia sistema oinsa mak kombate Covid-19.*

Reportajen: MJ-1
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 21 Setembru: Kazu Pozitivu 67 & Rekuperadu 318

DILI, STLNEWS.co – Sentru Integradu Jestaun Krize (SIJK) ohin relata kazu pozitivu iha ema nain 67 no kazu rekuperadu hamutuk 318. "Kazu detetadu foun neebe relata...

Sai PR Labele Halo Terus Povu

DILI, STLNEWS.co – Tuir lian Komunidade Agostina Soares katak, se mak atu kandidata an ba Prezidente Republika ba tinan 2022-2027, labele halo terus tan povu...

Fundasaun Codiva Haklean Konesementu LGBTI Ba Autoridade Lokal

DILI, STLNEWS.co – Fundasaun Codiva haklean informasaun no konesementu konaba asuntu Lesbian Gay Bisexual Trans Intersex (LGBTI) ba autoridade lokal. Haktuir Diretora Ezekutiva Fundasaun Codiva...
%d bloggers like this: