THS-THM Baucau Fo Ezame Ba Kandidatu 45

BAUCAU, STLNEWS.coTunggal Hati Seminari, Tungal Hati Maria (THS – THM) Baucau fo ezame ba kandidatu membru haat nulu resin lima (45) ba turnu rua nulu resin lima (25).

Lia hirak nee hato’o husi Koordenador Vigararia THS-THM Baucau, Verdigal Pereira ba STL iha Lia Rua, Suku Kaibada, Baucau, Sesta nee (20/08/2021).

Nia hatete, objetivu marka prezensa iha fatin Lia Rua, Suku Kaibada nian, atu halo ezame ba membru kandidatu sira neebe mak tinan rua ona tama iha grupu nee.

“Loron ohin sira atu partisipa iha ezame atu nunee sira bele sai mos membru permanente iha grupu kategoria ida nee,” dehan Verdigal.

Nia hatutan, durante ezame nee sei tuir prosesu organizasaun nian hanesan halo tredium loron tolu kalan tolu sei halo ezame iha fatin Lia Rua.

Liu husi ezame nee nia husu ba sidadaun neebe mak inklina ona iha organizasaun nee, nafatin sai sarani no sidadaun neebe mak diak iha rai doben Timor Leste no nafatin kaer prinsipiu ba kreda no nasaun ida nee mak sai mata dalan lori membru organizasaun hotu hotu, nunee mos ba sidadaun neebe mak inklina an ona iha organizasaun nee atu hatudu mos ezemplu diak ba joven sira seluk.

Kandidatu membru ba turnu rua nulu resin lima (25) neebe mak partisipa iha ezame nee hamutuk haat nulu resin lima (45) mai husi fatin Fatumaca, Quelicai, Venilale, Baucau vila hanesan husi Vila Nova no Vila Antiga.*

Reportajen: Tomas Reis

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Horta Husu Komunidade Fo Resposta Los Ba Ajente Enumerador

DILI, STLNEWS.co - Prezidente Republika (PR), José Ramos Horta, husu ba komunidade sira atu fo resposta neebe los ba ajente enumerador sira neebe halo...

Kazu Droga TDD Aplika Medida AP Ba Arguidu Nain 9

DILI, STLNEWS.co - Tribunal Distrital Dili (TDD) iha loron Segunda nee (15/08/2022) liu husi despaisu ikus ba prosesu primeiru interogatoriu (AP), desidi aplika medida...

Governu Lansa Sensus Populasaun & Uma Kain 2022

DILI, STLNEWS.co - Governu liu husi Ministeriu Finansas (MF) Segunda nee ofisialmente lansa sensus populasaun no uma kain iha tinan 2022 nee. Iha fulan Marsu...