Tinan Nee Arcebispo La Partisipa Selebrasaun Ezistensia Illas Nain Feto Ramelau

AINARO, STLNEWS.co Selebrasaun ezistensia Illas Nain Feto Ramelau ba dala 24, iha Ramelau, Postu Administrativu Hatubeliko, Munisipiu Ainaro, tinan nee la partisipa husi Arcebispo Metropolitanu, Dom Virgilio do Carmo da Silva, SDB, tanba programa dioseze tinan rua dala ida.

Tuir Vigario Parokio Maubise Pe. Fransisco Soares Fernandes, ida nee peregrinasaun nasional, maske Arcebispo mai ou lai mai, maibe iha nafatin peregrinasaun nasional, tanba programa dioseze nian, Arcebispo mai dala ida iha tinan rua nia laran.

“Programa dioseze nian Arcebispo sei mai halo vizita iha nee, tinan rua dala ida. Iha tinan kotuk nia mai ona, tinan ida nee la mai, i tinan nee mos iha peregrinasaun ba Fatubesi, Arcebispo ba iha neeba, maibe tanba Covid-19 la konsege realiza,” katak nia ba STL iha Postu Administrativu Hatubeliko, Munisipiu Ainaro, Kuarta nee (06/10/2021).

Nia hatutan, tinan ida nee selebra ezistensia Illas Nain feto Ramelau ba dala 24. Programa atividade eukaristia nian mak hanesan tuku 04:00 loraik, sei realiza misa iha santuario entrada ba foho Ramelau nian, selebra misa ba selebrasaun nian. Hamutuk ho sarani, parokia no konsellu hotu.*

Reportajen: Maria Tavares/ Donaciano Magalhaes

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 20 Outubru: Kazu Foun Hamutuk 16

DILI, STLNEWS.co - Ohin loron Sentru Integradu Jestaun Krize (SIJK) rejistu kazu foun hamutuk 16, iha Dili 14 no munisipiu seluk iha nain 2. "Kazu...

Membru F-FDTL Foun Ida Halai Lakon

DILI, STLNEWS.co - Membru foun FALINTIL Forsa Defeza Timor Leste (F-FDTL) ida ohin halai lakon iha sentru formasaun Metinaro tanba la augenta ho instrusaun...

Maromak La Dukur Ba Nia Ema

DILI, STLNEWS.co - Maromak mak iha kbiit tomak sempre akompanha ema hotu iha tempu saida deit no nunka dukur ba ema, tanba ne'e presiza...