Traballador Portu Tibar 1.500 Halo Asaun Greve Hasoru Kompania Harbour

DILI, STLNEWS.co – Traballador Timoroan neebe durante nee halao servisu iha Portu Tibar Munisipiu Liquiça, hamutuk 1.500 halao asaun greve hasoru kompania China Harbour, hodi ezije sira nia direitu.

Ba jornalista sira iha Portu Tibar Kuarta nee (13/10/2021), portavós Ersio Camilo Fernandes Xavier hatete, ohin sira halo asaun greve hasoru konpania Xina Harbour hodi ezije sira nia direitu, tanba kompania hasai sira sem razaun neebe klaru.

“Ami husu ba kompania China Harbour, atu selu indemnizasaun ka (PHK) mai ami, tanba nee ami nia direitu, durante nee ami fo enerzia tomak ba servisu, buka osan hodi sustenta nesesidade moris uma laran, ami mos laos husu ba kompania, laos deit fo PHK, maibe fo mos bonus anual no subsidiu Covid-19, tanba iha kompania balun sira selu bonus anual no subsidiu Covid-19 ba nia traballador sira, maibe iha kompania China Harbour la fo to’o agora,” katak Ersio.

Nia hatutan, ohin traballador hamutuk 1.500 fo solidariedade ba malu hodi halo asaun greve, husu ba kompania nee atu toma responsabilidade konaba asaun neebe sira halo, hodi hasai sira nain 10 neebe kompania hasai.

“Tuir lei traballu katak, antes traballador ida nia kontratu remata, kompania tenke fo karta notifikasaun ba sira antes loron 15 nia laran, maibe asaun neebe kompania halo nee kontradis fali ho lei neebe vigor iha Timor-Leste,” nia hakotu.

Iha biban nee STL tenta atu halo konfirmasaun asuntu nee ho kompania China Harbour iha Portu Tibar, maibe parte relevante lakohi fo komentariu.

Entretantu asaun greve nee, lao ho hakmatek, tanba hetan seguransa husi Polisia Nasional Timor-Leste (PNTL), Munisipiu Liquiça no Dili.*

Reportagen: Donaciano Magalhães

Editor: Domingas Gomes

LEAVE A REPLY

Please enter your comment!
Please enter your name here

NEWS UPDATE

Vasina Pfizer Importante Ba Labarik Sira

DILI, STLNEWS.co – Tuir Ministra Saude Odete Maria Freitas Belo dehan, labarik sira presiza simu vasina Pfizer nee, tanba importante tebes hodi bele prevene moras...

Update Covid-19 TL 27 Outubru: Kazu Pozitivu 7 & Rekuperadu Nain 3

DILI, STLNEWS.co – Ohin loron 27 fulan Outubru tinan 2021, liu husi Centro Integrado Gestão de Crises, Sala Situação (CIGC-SS) rejistu tan kazu konfirmadu...

Estudante ESJ Simu Ona Vasina Pfizer

DILI, STLNEWS.co – Eskola Ensinu Sekundariu Jeral (ESJ) 4 Setembru simu ona vasina Pfizer ba doze primeiru, atu nunee bele halo prevensaun ba Covid-19. Informa...