Udan Anin, Sobu Sala 2 Iha Eskola Uaikulu Gurusa

BAUCAU, STLNEWS.co – Akontese udan no anin horiseik, sobu sala rua (2) iha eskola EBC Uaikulu, Gurusa, Postu Administrativu Quelicai, Munisipiu Baucau.

“Horiseik akontese udan anin boot hodi sobu eskola ida iha Uaikulu,” dehan Diretor Servisu Ministeriu Edukasaun, Juventude, no Desportu (MEJD) Munisipiu Baucau, Augusto Ornai Ximenes ba jornalista iha nia knaar fatin, Sesta nee (10/09/2021).

Nia hatutan, hanesan Diretor Servisu Edukasaun iha Munisipiu Baucau, husu ba koordenadora eskola atu aselera dokumentus komprovativu ruma relata ba Ministeriu Edukasaun, Juventude, no Desportu (MEJD), nunee bele hetan responde emerjensia husi MEJD, maibe sei la asera hato’o problema nee ba parte relevante, bainhira reativa hikas fali prosesu aprendizajen sei difikulta ba estudante sira.

Diretor nee konta, eskola Uaikulu neebe mak hetan estragus kauza husi anin, kuaze estagus grave, tanba anin udan makaas estraga sala rua, sobu tomak uma nia kakuluk.

Entretantu liu husi telefone, Koordenadora EBC Uaikulu, Suku Gurusa, Postu Administrativu Quelicai, Maria Cesaltina Gaio hatete, tempu udan no anin horiseik, akontese anin sobu sala estudante rua iha eskola EBC Uaikulu Gurusa.

“Husi primeiro ano to’o quarto ano nee la monu, maibe quinto no sesto ano nia sala nee mak monu, tanba anin no udan horiseik makaas,” tenik nia.

Cesaltina hatutan, dadaun nee nia parte prepara ona dokumentus atu hato’o ba servisu edukasaun munisipiu hodi kontinua relata ba MEJD atu hetan apoiu emerjensia, tanba bainhira la hetan apoiu emerjensia ruma, mak sei difikulta ba prosesu aprendizajen, bainhira iha orientasaun atu reativa hikas.

Total estudante iha eskola EBC Uaikulu Gurusa hamutuk lima nulu resin ualu (58), husi akontesimentu nee la rezulta ema ruma kanek.*

Reportajen: Tomas Reis

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 26 Setembru: Kazu Pozitivu 32 & Rekuperadu 83

DILI, STLNEWS.co - Sentru Integradu Jestaun Krize (SIJK) ohin relata kazu pozitivu iha ema nain 32 no rekuperadu hamutuk 117. "Kazu detetadu foun neebe relata ohin loron...

MTKI Loke Kompetisaun Pintura

DILI, STLNEWS.co - Ministeriu Turizmu Komersiu no Industria (MTKI), liu husi Diresaun Nasional Emprendismo ba Atividade Produtus Turistiku organiza kompetisaun pintura ba joven sira. Grupu...

Remata Nia Misaun Iha TL, Sitorus Despedida Ho WNI

DILI, STLNEWS.co – Embaixador Indonezia ba Timor Leste (TL), Sahat Sitorus ho nia espoza Bintang Vera C. Sitanggang, neebe durante tinan 4 ho balun...
%d bloggers like this: