UE, ILO No MOP Halo Inagurasaun Estrada Rural Baguia

Baucau, STLNWS.co – Uniaun Europeia hamutuk ho Organizasaun Internasional Traballu (OIT/ILO) no Ministeriu Obras Publiku (MOP) halo inagurasaun ba estrada rural iha Munisipiu Baucau, Postu Administrativu Baguia iha Suku Defawasi no Uacala.

Inagurasaun estrada rural iha Baguia nee parseria ho Governu Timor Leste, liga komunidade rural Agro Floresta ba dezenvolvimentu.

Embaixador Uniaun Europeia ba Timor Leste, Andrew Jacob liu husi komunikadu imprensa Kuarta nee (27/10/2021) hatete, mudansa bele haree liu husi projetu finansiadu husi EU neebe foku ba fornese asesu, ligasaun ba merkadu, empregu dignu, no moris diak ba komunidade agro-florestal.

Embaixador hatete, ba komunidade Uacala neebe populasaun uluk lao ain ho distansia 8 km hodi asesu ba transporte publiku, no labarik sira neebe uluk la bele korta mota hodi ba eskola durante tempu udan monu rai, konstrusaun estrada no ponte fornesendu asesu hasoru kondisaun klima oin-oin mak dalan moris no dalan ba dezenvolvimentu.

“Estrada hirak nee, fornese ona ligasaun ba komunidade agro-florestal hodi hadia asesu, no fo mudansa ona ba vida moris no hadia ona dezenvolvimentu ba tarjetu komunidade. Agradesimentu hato’o ba programa parseria ba Sustentabilidade Agro-Florestal Ai ba Futuru (PSAF-AbF) entre Governu Timor Leste, Uniaun Europeia (EU), no Organizasaun Internasional de Traballu (ILO), neebe mak buka hodi fornese asesu no ligasaun merkadu ba komunidade agro-florestal, hodi nunee bele mellora produsaun agro-florestal no reduz probreza,” dehan Embaixador.

Nia hatutan, buat neebe interese tebes husi programa ida nee mak estrada, laos deit fornesidu ona asesu no ligasaun merkadu, maibe mos realizadu ona benefisius sira seluk, inklui kriasaun de empregu to’o 4,303 benfisiarius, iha neebe 1,007 mak feto, no realiza ona 221,074 loron servisu husi traballador, tanba estrada hirak nee konstrui uza metodu mão de obra hodi fornese servisu ba komunidade lokal.

Ministru Obras Públikas, Salvador Eugénio Soares dos Reis Pires rekonese durasaun tempu neebe naruk no valor tebes husi parseria entre governu no EU.

Ministru mos akresenta tan, governu sei kontinua buka dezenvolvimentu ba nia povu no iha ona kompromisiu atu nafatin hadia estrada liu husi programa Estrada Rural ba dezenvolvimentu (ERD/R4D). Ministru mos elójia ho kontraktores hirak neebe konstrui ona estradas, no kompromete atu uza kontraktores hirak neebe kompetente hodi halo servisu infraestrutura sira iha futuru.*

(Eme)

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 4 Dezembru: Kazu Pozitivu 1 & Rekuperadu Nain 1

DILI, STLNEWS.co - Ohin loron, Sabadu (04/12/2021), Kordenadora Jeral Surtu Covid-19, Ministeriu Saude Timor Leste deteta tan kazu pozitivu ida (1) no rekuperadu nain...

PR Periodu 2022-2027 Presiza Tau Interese Ba Estadu & Povu TL

DILI, STLNEWS.co - Prezidente Republika (PR) ba periodu tinan 2022-2027 atu ukun husi se deit presiza mak tau interese ba estadu no povu Timor...

Lidera Enkontru G7+ Iha Lisboa, Xanana Kontinua Promove TL Ba Mundu

PORTUGAL, STLNEWS.co - Lider karismatiku Xanana Gusmão, nu'udar mos pesoa eminente g7+ kontinua promove Timor Leste ba mundu liu husi g7+, bainhira hamutuk ho...