LAUTEM, STLNEWS.co – Eleisaun Suku iha Suku Parlamento halao ba segundu ronde, tanba nee Kandidatu Angelio Calvao Silva ukun ba periodu tolu ho votus 626, Kandidatu Teovaldo Cesar da Silva ho Votus 737.
“Xefi Suku Parlamento, Angelio Calvao Silva ukun ba periodu tolu, ho votus 626 no Teovaldo Cesar da Silva liu votus 737 hodi manan ona sai Xefi Suku Parlamento,” hatete Agosto dos Santos ba STL iha Sede Suku Parlamento, Segunda (13/11/2023).
Nia dehan, maski Kandidatu Teovaldo Cesar da Silva lakon iha Aldeia Soikili no Aldeia Moro, maibe nia votus sae makaas iha Aldeia Iparira, Laiara no Iraara.
“Ita haree Aldeia 2 mak Kandidatu Angelio Calvao Silva votus makaas no Aldeia tolu mak Kandidatu Teovaldo Cesar Silva mak votus sae, tanba nee Kandidatu Teovaldo Cesar Silva mak liu bareira,” nia deklara.
Kontinua ba pajina 2
Iha fatin hanesan, memburu PNTL lakohi temi naran, situasaun iha sentru votasaun iha Aldeia Moro Lak Kontroladu no eleitores sira mai ezerse sira nia direitu ho diak.
“Situasaun iha sentru votasaun Aldeia Moro Lak kontroladu, hahu horiseik no too loke sentru votasaun no too kantajen votus situasaun normal,” nia deklara.
Tuir observasaun STL iha terenu, Suku Parlamento iha Aldeia 5, maibe kandidatu sira hamutuk nain 6, mak hanesan Angelio Calvao Silva, Armindo da Costa, Eperansa dos Santos, Luciano dos Santos Pedrito, Teovaldo Cesar da Silva no Venancio da Silva, maibe kandidatu nain rua mak kontinua ba segundu ronde, mak hanesan Angelio Calvao Silva no Teovaldo Cesar da Silva no Kandidatu Teovaldo Cesar da Silva mak liu ona bareira ho votus 737.
(jen)
