Uma 2 Hetan Estragus Husi Inundasaun

DILI, STLNEWS.co – Udan boot neebe mak akontese iha Kuarta kalan (31/03/2021), rezulta uma rua hetan estragus husi inundasaun iha Munisipiu Covalima, Postu Administrativu Zumalai, Suku Zulo, Aldeia Leogol. Lia hirak nee hatoo husi Xefe Suku Zulo, Postu Administrativu Zumalai, Munisipiu Covalima, João Lopes de Carvalho.

Nia dehan, inundasaun neebe mak akontese iha Suku Zulo, Aldeia Leogol, Bairru Aisa Legul no Kampung Baru, rezulta uma rua no komunidade nia aihan hanesan batar no aihan sira seluk hetan estragus.

(Foto: Xefe Suku Zulo, Postu Administrativu Zumalai, Munisipiu Covalima, João Lopes de Carvalho).

“Estragus seluk mak komunidade nian to’os, nee hetan estragus aihan iha to’os hektar ida, no afeta ba estrada neebe mak besik, neebe nuudar Xefe Suku, fo hanoin ba ministeriu kompetente, tanba iha hau nian Aldeia Leogol inundasaun ba uma rua. Iha tinan 2019 ita hetan apoiu husi departamentu obras publikas nasional, maibe too agora tinan-tinan mota ida nee sempre hamosu inundasaun,” dehan João ba STL liu husi telefone, Kinta (01/04/2021).

Nia dehan, hanesan autoridade lokal, dadaun nee sei observa iha terrenu, para haree inundasaun neebe akontese horisehik kalan, inklui komunidade nia to’os no inundasaun nee afeta mos estrada neebe mak besik.*

Reportajen: Jacinta Sequeira
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Estrada Kotu Total, Ameasa Sede Suku Libagua

BAUCAU, STLNEWS.co - Relasiona ho tempu udan iha loron 4 fulan Abril liu ba, estrada diresaun Larifanu too Igreja Samalari kotu total, hodi fo...

Kondutor Kestiona Ema Menus Sosa Rai Henek

DILI, STLNEWS.co - Kondutor hirak neebe lori kareta baskulante, neebe iha area Fomentu, sira kestiona kada loron ema sosa rai henek menus hela deit. "Kada...

Krime VD No Kontra Bandu Aas Iha TDS

DILI, STLNEWS.co - Tribunal Distrital Suai, rejistu krime neebe kada loron julga barak liu maka krime violensia domestika (VD) ho forma ofensa integridade fisika...
%d bloggers like this: