Uma Kain 100 Resin Iha Aldeia Lug Lau-Lau Seidauk Asesu Eletrisidade & Estrada

ERMERA, STLNEWS.co – Aldeia Lug Lau-Lau, Suku Manusae, Postu Administrativu Hatolia, Munisipiu Ermera hamutuk uma kain atus ida resin (100) dadaun nee seidauk asesu ba eletrisidade no estrada.

Tuir Xefe Aldeia Llug Lau-Lau, Filomeno Soares hatete, populasaun iha aldeia nee atus ida resin, maibe too agora komunidade sira seidauk asesu ba lina eletrisidade nomos estrada.

“Komunidade sira iha nee balun too agora sei uza ahi oan, no balun uza lenti batria nee hodi uza iha tempu kalan,” dehan nia ba STL iha Aldeia Lug lau-lau, Tersa nee (02/11/2021).

Nia dehan, komunidade iha aldeia refere, laos la asesu ba lina eletrisidade deit, maibe seidauk asesu mos ba dezenvolvimentu baziku sira, hanesan estrada, bee mos, no seidauk iha sentru saude.

“Konaba estrada ida nee husi kompania barak mak mai survey ona, maibe too agora deit seidauk hadia, konaba bee mos husi PNDS (red – Programa Nasional Dezenvolvimentu Suku) nian konsege mai dada ona, maibe bee nee komunidade sira la asesu, tanba bee laiha harii ona fatin, monta ona toneira maibe bee laiha,” nia haktuir.

Nia hatete, husi nia preokupasaun mak ezije atu tau sentru saude ida iha aldeia refere, tanba komunidade barak mak balun sofre moras derepente susar atu hetan tratamentu lalais, tanba tenke lori mai to iha Sentru Saude Hatolia Vila, ida nee ho distansia dook.

“Iha aldeia nee mos iha mota ida Ur-Mali, ida nee sai preokupasaun komunidade nian, tanba labarik sira eskola too iha Hatolia Vila, ba mai liu husi mota nee, tanba nee iha tempu udan hanesan nee perigu ba labarik kiik oan sira,” hakotu nia.

(san)

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 4 Dezembru: Kazu Pozitivu 1 & Rekuperadu Nain 1

DILI, STLNEWS.co - Ohin loron, Sabadu (04/12/2021), Kordenadora Jeral Surtu Covid-19, Ministeriu Saude Timor Leste deteta tan kazu pozitivu ida (1) no rekuperadu nain...

PR Periodu 2022-2027 Presiza Tau Interese Ba Estadu & Povu TL

DILI, STLNEWS.co - Prezidente Republika (PR) ba periodu tinan 2022-2027 atu ukun husi se deit presiza mak tau interese ba estadu no povu Timor...

Lidera Enkontru G7+ Iha Lisboa, Xanana Kontinua Promove TL Ba Mundu

PORTUGAL, STLNEWS.co - Lider karismatiku Xanana Gusmão, nu'udar mos pesoa eminente g7+ kontinua promove Timor Leste ba mundu liu husi g7+, bainhira hamutuk ho...