Uma Kain 66 Iha Laisorulai Seidauk Asesu Eletrisidade

DILI, STLNEWS.co – Uma kain 66 iha Suku Laisorulai neebe mak partense iha Postu Administrativu Quelicai, Munisipiu Baucau seidauk asesu ba ahi eletrisidade.

Kestaun nee hato’o husi Xefe Suku Debaixo, Julio Farkhus Pinto ba STL liu husi telefone Tersa nee (21/09/2021) dehan, eletrisidade maioria asesu ona, maibe balun seidauk asesu, tanba nee mak Xefe Suku mos halo ona proposta ba iha Ministeriu Obras Publiku (MOP), atu nunee komunidade neebe mak hela dook husi lina eletrisidade, tempu badak bele fo netik solar panel ba sira para uza, hodi tuur netik iha naroman.

“Maioria hetan ona eletrisidade iha tinan 2017, maibe sidadaun lubuk hela dook husi lina eletridade la asesu tinan tolu ona, ho ida nee sidadaun sira mos triste no hato’o preokupasaun katak, ami nee laos Timoroan nee mak la instala ahi ba ami nia uma, tanba nee mak hau nuudar autoridade sempre rona sira nia preokupasaun, no halo kedas karta pedidu ba MOP, fulan kotuk sira haruka ona ekipa ida mai survei, atu fahe solar panel ba sira maibe seidauk,”dehan nia.

Xefe Suku nee hatete, karik solar panel nee mak MOP distribui ba komunidade sira, entau diak liu distribui lalais ona, tanba populasaun sira mos presiza naroman, tinan ida nee hela fulan tolu deit tama ona ba iha tinan 2022, tanba nee mak diak liu prosesu lalais ona hodi atende komunidade nia ezijénsia nee.

“Ita nia populasaun neebe mak seidauk asesu ba ahi eletrisdade nee, hela uma kain 66 mak seidauk asesu ba lina eletrisidade, se nia porsentu nee, 94% asesu ona ahi eletrisidade, hela 6% mak seidauk, neebe tenke fo atensaun ba ida nee,” tenik nia.

Nia hatutan, iha Suku Laisorulai Debaixo kompostu iha aldeia haat, hanesan Aldeia Darawa, Lego, Ulusoru, no Sokasa, nee iha laran hotu, ba sira neebe mak dook husi estrada no dook husi lina nee.

Nunee mos konaba bee moos iha suku refere, iha tempu udan sei diak, maibe kuandu iha tempu bailoron nee susar tebes.

Nunee mos Xefe Suku Laisorulai Desima Cipriano Cabral hatutan, iha sira nia suku konaba preokupasaun neebe mak suku nee hasoru, mak oras nee akontese hela mudansa klimitika, entau bee moos sai preokupasaun ba sira, tanba bee balun maran, aleinde iha mos estrada neebe mak aat difikulta komunidade sira, atu lori sira nia produtu ba iha merkadu.*

Reportajen: Emerenciana Pinto

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 20 Outubru: Kazu Foun Hamutuk 16

DILI, STLNEWS.co - Ohin loron Sentru Integradu Jestaun Krize (SIJK) rejistu kazu foun hamutuk 16, iha Dili 14 no munisipiu seluk iha nain 2. "Kazu...

Membru F-FDTL Foun Ida Halai Lakon

DILI, STLNEWS.co - Membru foun FALINTIL Forsa Defeza Timor Leste (F-FDTL) ida ohin halai lakon iha sentru formasaun Metinaro tanba la augenta ho instrusaun...

Maromak La Dukur Ba Nia Ema

DILI, STLNEWS.co - Maromak mak iha kbiit tomak sempre akompanha ema hotu iha tempu saida deit no nunka dukur ba ema, tanba ne'e presiza...