USAID Vizita Sitiu Turismu Dokomali

AINARO, STLNEWS.co – United States Agency International Development (USAID), halao vizita ba sitiu turistiku bee tudak Dokomali neebe lokaliza iha Suku Nunumoge, Postu Admnistrativu Ainaro, Vila Munisipiu Ainaro.

Tuir Patnership Investiment Lead USAID, Jacob Calar dos Reis katak, planu halao vizita fatin turismu Dokomali nee halo iha fulan hirak liu ba maibe tanba moras covid 19 impede hotu atividades entaun labele realiza neebe foin mak realiza fali.

“Objetivu ohin nian nee ita bolu katak teste merkadu ba setor turistiku Dokomali ninian, teste merkadu katak atu desenvolve area setor potensial neebe besik iha ita nia fatin neebe kompostu husi buat balu ida mak bolu fatin turistiku hanesan wee tuda Dokomali nee, segundu fatin istoriku hanesan ohin ita mai liu husi Aileu, vizita Aicirimou fatin Estatua Nicolao Lobato nian, terseiru mak kultura hanesan ita nia lisan eransa neebe mak avo beiala sira fo hela ba ita, komponente sira nee mak tau hamutuk desenvolve sai pakote fatin turistuku nian,” dehan Jacob Calar dos Reis ba jornalista iha Nunumoge, Ainaro, Tersa (20/07/2021).

Nia dehan, tanba nee liu husi atividade ida nee projetu USAID turismu ba ema hotu hakarak desenvolve pakote neebe mak ohin temi liu husi media sira hodi promove ba iha, nivel resional no nivel internasional, atividade ba rejimentu loron ohin nian laos buat neebe halo kompleta tiha kedas maibe parte kiik oan ida bolu halo teste ba merkadu.

Nia realsa, banhira teste merkadu ida nee sei estuda kona ba kultura nian, aihan, seguransa no meiu ambiente ninian pakote hirak nee tau hamutuk desenvolve fali promosaun ba iha situs turistikus.

“Ida nee mak hau hatoo projetu ne’e laos lao mesak deit servisu hamutuk ho governu liu-liu ministeriu Turismu Comersiu Industria maka realiza programa ida nee,”katak nia.

Iha fatin hanesan Xefi Suku Nunumoge, Ilario Da Concesao Bareto Soarese hatete, bee tudak Dokomali hafutar ho foho lulik lubuk ida, levantamentu desenvolve turistiku lao ba oin.

“Ita koalia kona ba reseita ba desenvolvimentu nasaun nee nian mina loron ida sei maran maibe ita nia turistiku sei la maran kuandu ita desenvolve diak foho potensial sira no situs turistiku potensial sira hanesan uma Lulik, foho lulik no bee tudak, tanba ne’e mak ohin liu husi survei desenvolve, ita nia governu ministeriu para fo nia reseita desenvolvimentu ba munispiu sira espesial suku Nunumoge,” tenik nia.

Nia informa, fatin turistiku atrai turista sira nia matan hodi vizita presiza ambiente neebe mak mos no seguransa ida neebe mak seguru.*

Reportajen: Maria Tavares
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Covid-19 Update (26 Jullu 2021): Pozitivu 6, Rekoperadu 45, & Ativu 656

DILI, STLNEWS.co - Loron 26 fulan Jullu liu Centro Integrado Gestão de Crises, Sala Situação (CIGC-SS) rejistu kazu pozitivu Covid-19 iha nain 6, Dili...

Demisaun Membru PNTL 3, PN Rekonese Bazeia Ba Regulamentu

DILI, STLNEWS.co - Parlamentu Nasional (PN) liu husi komisaun B neebe trata asuntu defeza seguransa no negosiu estranjeiru rekonese demisaun membru Polisia Nasional Timor-Leste...

Komisaun F Seidauk Aprova Projetu Lei Protesaun Ba Labarik

DILI, STLNEWS.co - Parlamentu Nasional (PN) liu husi Komisaun F trata asuntu Saude, Seguransa Sosiais no Igualidade Jeneru, seidauk aprova projetu lei protesaun labarik...
%d bloggers like this: